Ferizaj

Ashensori i komunës i lejuar vetëm për zyrtarë

Published

8 years ago

07 December, 2018

Me një investim që qeveria lokale e Ferizajt asnjëherë nuk është bërë rehat, është ashensori që ndodhet në objektin e komunës. Gjatë pushtetit të kaluar, ky ashensor një ditë punonte e një javë jo, ndërkaq sivjet ky mjet i domosdoshëm për zyrtarë e qytetarë, po funksionon pjesërisht. Për ta shfrytëzuar atë duhet të jesh VIP, sepse administrata komunale ka paraparë që për t’u ngjitur lartë me ashensor duhet të kesh kartelë të veçantë. Zëdhënësi i komunës Selim Marevci, thotë se kjo është e përkohshme derisa mjeshtërit ta vërtetojnë që ai është në gjendje të përballoj fluksin e qytetarëve që hyjnë dhe dalin nga ashensori.

“Arsyeja pse ashensori funksionon vetëm me çip kartela është sepse jemi në fazën testuese të tij, pasi që dihet në fillim kur kemi ardhur në pushtet ashensori s’ka funksionuar për shkak të problemeve që ka pasur, prandaj tani mirëmbajtësit e tij kanë bërë disa rregullime dhe po presim se sa është definitiv rregullimi i tij. Ndryshe, zyrtarët e kateve më të larta janë pajisur me këto kartela, ndërsa punëtorët e sigurimit që qëndrojnë te porta i kanë kartelat dhe u shërbejnë palëve që janë të interesuara për të kryer punë në komunë me ashensor, ata janë gjithmonë aty dhe po bëjnë asistimin e personave që kanë nevojë për ashensor”, u shpreh Marevci.

E, derisa komuna do ta rregulloj ashensorin e vet, punëtorët e sigurimit po e kryejnë edhe këtë punë, duke i ndihmuar palët për t’u ngjitur lartë, e ata që s’kanë dijeni që ashensori lëviz vetëm me çip dhe nuk kërkojnë ndihmë nga punëtorët e sigurimit, detyrohen që punët në komunë t’i kryejnë duke ia mësyer shkallëve.

Ferizaj

Në Ferizaj raportohen katër bankënota të dyshuara nga 500 €

Published

10 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

10 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.