Ferizaj

Hapet lokali ”Katër Stinët” në Ferizaj

Published

7 years ago

17 December, 2018

Qendrës multifunksionale “The Village-Shopping and Fun”, iu shtua edhe një kafene e stilit krejt ndryshe. Është ky lokali “Katër Stinët” që për nga natyra e shërbimit, por edhe vet ambientit brenda, dallon nga bizneset e tjera. Menaxheri i kësaj kafeneje Ilir Rexhepi, tha se ky vend është dizajnuar kryekëput nga arkitekti Ilir Xhaferi, i cili ka bërë që kjo hapësirë të duket unike në të gjitha mënyrat.

“Arkitekti me të cilin kemi bashkëpunuar është profesionist që stilin e ka shumë unik, por edhe mënyrën e punës e ka shumë unike, se ai zakonisht nuk planifikon përpara se si do të duket lokali, por shkon me intuitë dhe gjithçka është me shije dhe me stil. Kjo mendoj është ajo që na ka veçuar edhe si biznes i kësaj natyre prej të tjerëve. Përndryshe, tek ne është edhe këndi për fëmijë i cili është po ashtu në stilin komplet unik, ndoshta është koncepti i vetëm në Kosovë ku fëmijët mund të risocializohen duke lexuar, luajtur me lodra të lehta si dhe vizatuar. Për fëmijët kemi angazhur edhe edukatoret të cilat kujdesën për ta gjatë qëndrimit sa do ta jenë këtu”, tha Rexhepi.

Ndalimi kategorik i pirjes së duhanit brenda dhe mosshërbimi i alkoolit, janë ato që e dallojnë edhe më shumë kafenenë “Katër Stinët”, ndërkaq kafeja, sipas përfaqësuesve të këtij biznesi, është e veçanta e tyre.

“Kafetë i kemi të produkteve cilësore, do të thotë ne jemi përfaqësues të kafesë “Manuel”, është brend me renome botërore, i kemi 6 lloje të kafesë dhe kemi çajëra organik, përveç këtyre në filtera. Ndërkaq, sa i përket kuzhinës nuk e kemi të plotë, pasi që kemi vendosur të shkojmë vetëm me katër lloje të ushqimeve të menusë sonë, do të thotë këtu shërbejmë sallata, pica, rizoto dhe pasta, por brenda këtyre ushimeve ka lloje të ndryshme shijesh, thjeshtë nuk kemi dashtë të kemi kuzhinë të rënduar me mish apo të tjera, pasi që për ushqime të tilla ka mjaftueshëm vende ku familjet mund t’i frekuentojnë”, tha Rexhepi.

Në kafenenë “Katër Stinët” janë punësuar 28 punëtorë, ndërkaq ky biznes në Ferizaj operon edhe me dy lokale të tjera “Kino Bar” në qendër të qytetit, si dhe “Venio” afër Gjykatës Themelore. U tha se në këto tri lokale janë të angazhuar rreth 80 punëtorë.

Ferizaj

Arrestohen tre të dyshuar për hajni në disa markete të Ferizajt

Published

2 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: