Ferizaj

Auditori i Brendshëm me rekomandime për kryetarin e komunës

Published

7 years ago

28 December, 2018

Komiteti i Auditimit të Brendshëm i komunës së Ferizajt, i funksionalizuar më 2 nëntor të këtij viti, i cili ka për qëllim ofrimin e këshillave për menaxhimin e buxhetit, i ka rekomanduar kryetarit të komunës që të reflektoj karshi disa rekomandimeve.

“Si rekomandim i parë që ne japim për kryetarin e komunës është që të bëhet regjistrimi i saktë i të gjitha pronave komunale dhe të bëhet vlerësimi i tyre, arsyeja pse është ky rekomandim është se shumë prona komunale nuk kanë vlerë dhe nuk mund të vlerësohen dhe të regjistrohen në pasqyrat financiare të komunës. Rekomandimi i dytë ka të bëj që të bëhet rivlerësimi i pronave private nga ana e Drejtorisë së Financave dhe ne rekomandojmë kryetarin e komunës që të bëhet një rivlerësim i pronave private të qytetarëve, të ngritet baza mbi të cilën rriten edhe të hyrat vetanake nga faturimi, pasi kemi raste që në qendër të qytetit ku një pronë private e cila ka vlerë të tregut 400 mijë euro, fatura për tatimin në pronë i lëshohet 100 mijë. Rekomandim tjetër është që të krijohet një sistem informativ i kontabilitetit në Drejtorinë e Financave”, tha Medain Hashani.

Hashani, përmendi edhe disa rekomandimet të tjera të cilat kryetari i komunës duhet t’i ketë parasysh në vitin 2019.

“Rekomandim tjetër është që të kërkoj nga Drejtoria e Urbanizmit që në tre mujorin e parë të vitti 2019 për inkasimin e të arkëtueshmeve për lejet ndërtimore të lëshuara me këste dhe në rast të mosinkasimit të këtyre të arkëtueshmeve të revokoj ato leje ndërtimore dhe të inicoj procedurat përmbarimore. Rekomandim tjetër është të merret një vendim për ndërtimin e një strategjie për mbledhjen e llogarive të arkëtueshme ku qytetarët dhe bizneset i kanë borxh komunës sonë, ku vetëm në fund të vitit 2017 llogaritë e arkëtueshme të cilat i kanë qytetarët ndaj komunës janë mbi 8 milionë. Rekomandaim tjetër është që të rishqyrtohen kontratat me qira për pronat komunale dhe të merret për bazë vlera e tregut. Rekomandim që duhet ta ketë kryetari është që të planifikoj një strategji për analizimin e të gjitha detyrimeve kontigjente për të gjitha kontestet që i ka komuna e Ferizajt, kemi raste që komunën e kanë paditur shumë dhe ato mund të shaktojnë pasiguri buxhetore, kështu me këtë stategji do eliminohej një kolpas buxhetor”, tha Hashani.

Hashani tha se për vitin 2019 kryetari i komunës duhet të kërkoj nga Zyra e Prokurimit që të ketë parasysh përmbushjen e rekomandimeve që i jep Auditori i Jashtëm.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.