Ferizaj

Drejtoria e Infrastrukturës planifikon zgjerimin e rrugës Ferizaj-Bibaj

Published

7 years ago

29 December, 2018

Drejtori Infrastrukturës në Ferizaj, Arbër Bytyqi, këtë të shtunë ka paraqitur punën një vjeçare të drejtorisë që udhëheq. Sipas tij, gjatë vitit 2018 janë bërë shumë investime, por projekti më madhor është ai i “Bashkimit të Qytetit” që ka vlerën mbi 4 milionë euro, i cili projekt, sipas Bytyqit do të finalizohet në fund të vitit 2019.

“Vitin e kemi filluar me projektin “Bashkimi i Qytetit” ku fillimisht kemi ndjekur hapat e konkursit publik, pastaj fazën e projektimit detal, kemi nënshkruar kontratën në vlerë 4,030,000 euro si dhe tashmë kemi filluar punimet në terren, ku jemi duke vazhduar punimet në bazë të planit dinamik të paraparë në kontratën e nënshkruar me operatorin ekonomik. Shpresojmë që gjithçka të shkoj mirë sikurse deri më tani dhe ne të kemi funksional këtë projekt madhështor për qytetin e Ferizajt deri në fund të vitit të ardhshëm. Në kuadër të projektit “Bashkimi i Qytetit” po ashtu vazhduam edhe me projektin e ndërtimit të tri nënkalimeve për vetura, gjegjësisht nënkalimin për vetura në fshatin Varosh-Nikadin dhe afër ”Plus Market”, projekt që do të lehtësoj lëvizjen e veturave dhe ngrisë sigurinë e lëvizjes për vetura dhe këmbësor, edhe për këtë projekt janë përcjellur fazat e konkursit publik, tashmë janë zgjedhur operatorët ekonomik dhe pritet që gjatë vitit të ardhshëm të vazhdohet me punime. Vlera në total e këtij projekti për këto nënkalime do të jetë rreth 2.2 milionë euro”, u shpreh Bytyqi.

Bytyqi përmendi edhe projektin e rrugës Varosh-Gurëz, si dhe asfaltimin e rrugicave që janë bërë gjatë këtij viti që po lëmë pas.

“Përmes këtij projekti po zgjerohet njëra nga arteriet kryesore të hyrje-daljeve të qytetit të Ferizajt, projekt që do të ketë rrugë me katër korsi dy nga ato ndihmesë, shtigjet e biçikletave, këmbësorëve dhe hapësirën gjelbëruese, projekt që ka vlerën 2.6 milionë euro. Gjithashtu nuk e kemi lënë anash infrastrukturën dytësore në zonën e qytetit ku kemi asfaltuar një numër të madh të rrugicave në zonën urbane që do të ndikoj direkt në jetën e qytetarëve, kemi asfaltuar mbi 30 rrugica në gjatësi mbi 8 km vlerë financiare 400.000 euro, gjithashtu kemi shtruar mbi 3 km trotuare dhe 6 km kanalizim fekal dhe atmosferik të gjitha këto në zonën urbane”, theksoi Bytyqi.

Bytyqi gjatë raportimit të punës një vjeçare, tha se kjo drejtori ka pasur në dispozicion vetëm 5 milionë e 600 mijë euro, ku shumica e këtij buxheti është shpenzuar për pagesa të borxheve të trashëguara, kurse për vitin 2019 synim tha se kanë zgjerimin e rrugës nga Ferizaj deri tek kyçja në autostradën ”Arbën Xhaferi” në fshatin Bibaj. Ai bëri të ditur se në vitin që po vjen do të asfaltojnë edhe 80 rrugica në zonën urbane dhe në fshatra.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.