Ferizaj
Ferizaj e Kastrioti shpresojnë t’i mbajnë Kupat në qytetin e hendbollit
Dy ekipet ferizajase, Ferizaj në kategorinë e femrave dhe Kastrioti të meshkujve, nesër në sallën “Bill Clinton” i zhvillojnë ndeshjet gjysmëfinale të Kupës së Kosovës. Prej orës 18:00, vashat e Ferizajt luajnë kundër Samadrexhës, derisa festa e hendbollit hapet në qytetin e hendbollit prej orës 14:00 me ndeshjen ndërmjet Istogut dhe Vushtrrisë. Ferizaj është kampion në fuqi i Kupës së Kosovës.
Prej orës 20:00 do të zhvillohet kryendeshja e festës së hendbollit në Ferizaj, kur do të përballen Kastrioti dhe Rahoveci. Kjo ndeshje llogaritet si finale para finales pasi dy skuadrat janë pretendentët kryesorë edhe për titullin e ligës.
Prej orës 16:00 në gjysmëfinalen tjetër të meshkujve përballen Vushtrria dhe Besa Famgas.
Dy ekipet ferizajase janë të bindura se edhe sivjet trofetë do të mbesin në qytetin e hendbollit.
Pivotja Shkurta Mehmeti ka thënë se është privilegj dhe përgjegjësi për ferizajaset që t’i luajnë finalet në Ferizaj.
“Të luajmë para publikut tonë është privilegj, por edhe përgjegjësi. Jemi të motivuara dhe të përkushtuara që ta shfrytëzojmë këtë mundësi në maksimum. Synimi ynë është i qartë – të paraqitemi me krenari, të luftojmë për çdo top dhe të japim gjithçka në fushën e lojës në mënyrë që Kupa e Kosovës të mbetet në qytetin e hendbollit, në Ferizaj”, ka thënë Mehmeti për faqen zyrtare të Federatës së Hendbollit të Kosovës.
Edhe Lulzim Shabani, aloja e Kastriotit, ka thënë se “Ujqit” do të luftojnë fort në parket, që kupa të mbetet edhe sivjet në Ferizaj.
“Përgatitjet janë duke shkuar shumë mirë. Ka kohë që kemi menduar për këtë ‘Final 4’ dhe jemi përgatitur maksimalisht. Skuadra është në gjendje jashtëzakonisht të mirë fizike, e po ashtu në anën psikologjike jemi shumë të përgatitur dhe të vendosur që edhe këtë vit ta stolisim qytetin me trofeun e çmuar të Kupës së Kosovës”, ka theksuar Shabani për faqen zyrtare të FHK-së në Facebook.
“Do të jetë më e veçantë pasi turneu final organizohet në qytetin tonë, në qytetin e hendbollit. Premtojmë spektakël, duele të forta e shumë lojë të bukur për të gjithë sportdashësit që do të jenë në ‘Bill Clinton’. I ftoj gjithë qytetarët ferizajas dhe tifozët tanë ‘Ujqit’ që të na mbështesin në mënyrë masovike dhe si gjithmonë të tregojnë kulturë e mbështetje korrekte për ekipin tonë”, ka thënë Shabani.
Ferizaj
Ferizaj: Konfiskohen rreth 780 gram drogë dhe arrestohen dy të dyshuar për manipulim të provave
-
Ferizaj5 days agoFerizaj: Konfiskohen rreth 780 gram drogë dhe arrestohen dy të dyshuar për manipulim të provave
-
Ferizaj14 hours agoProkuroria e Ferizajt ndalon dy persona të dyshuar për keqpërdorim të detyrës zyrtare
-
Kosovë1 week agoVrasja e Liridona Ademajt: Murseli e Plava dënohen me burgim të përjetshëm, Kokalla me 30 vjet
-
Ferizaj6 days agoFerizaj kualifikohet në finale të Kupës së Kosovës në futboll
-
Kosovë1 week agoKosova e shpall organizatë terroriste Gardën Revolucionare Islamike të Iranit
-
Kosovë1 week agoKurti e Abdixhiku nuk arrijnë marrëveshje për presidentin e ri të Kosovës
-
Kosovë5 days agoSulmi në Banjskë: Dy terroristë dënohen me burgim të përjetshëm kurse i treti me 30 vjet burgim
-
Kosovë5 days agoDeputetët ratifikojnë marrëveshjen për anëtarësimin e Kosovës në Bordin e Paqes
-
Kosovë2 days agoGjukanoviq dënohet me gjashtë vjet burgim për spiunazh kundër Kosovës
-
Kosovë5 days agoVdes një person në Gjakovë, ra nga ndërtesa ku po punonte
-
Kosovë6 days agoVdes akademik Rexhep Qosja
-
Kosovë6 days agoKryeparlamentarja Haxhiu dënon gjuhën ofenduese të deputetit Geci
-
Kosovë6 days agoKurti emëron Agron Bajramin kryenegociator në dialogun teknik me Serbinë