Ferizaj

Demokracia Studentore hap ”të pame” për Universitetin e Ferizajt

Published

7 years ago

20 March, 2019

Demokracia Studentore, sot ka organizuar protestë me kërkesë për ndalje të punësimeve të paligjshme, që sipas kësaj organizate, po bëhen në Universitetin e Shkencave të Aplikuara në Ferizaj nga rektorati aktual, duke kërkuar njëkohësisht edhe dorëheqjen e tij.
Grupi protestues kishte paraparë që protestën ta mbajë mbrenda oborrit të Universitetit, por meqë kjo nuk u lejua nga sigurimi i objektit, protestuesit e thyen rrethojën dhe u futën në oborr. Driton Ismaili, aktivist i kësaj organizate, tha se ky universitet është kapur dhe se udhëhiqet nga një rektor i cili është edhe anëtar i kryesisë së PDK-së në Skenderaj.

“Ne kemi shumë arsye e fakte që jemi mbledhur këtu, së pari janë keqpërdorimet financiare që ndodhin këtu, është mbyllja e programeve të cilat kanë qenë 6 programe ndërsa tash kemi vetëm 2 drejtime, ku agjensioni i akreditimit nuk i ka akredituar për shkak se kanë punësuar profesor të cilët nuk kanë ngritje profesionale, kemi një farë lloj nepotizimi të mbjellur mbrenda Univeristetit, ku llogo apo sllogan i këtij unversiteti është se nuk mundesh me qenë profesor këtu nëse nuk e ke librezën e PDK-së. Ne po kërkojmë që ky Universitet të funksionojë në bazë të kurikulave e jo në bazë të ligjeve që bëjnë i bëjnë vet.
Agron Bajraktari është një person i kapur politikisht dhe që është anëtar i PDK-së“- tha Ismaili.

Në protestë u tha se prokuroria po heshtë, pasiqë në këtë institucion është punësuar i biri i kryeprokurorit Jashari.

“Ne si organizatë e monitorojmë këtë universitet që pesë vite, ne që një kohë të gjatë u jemi adresuar prokurorisë që të merr masa, por duke pasur parasysh ndikimin e rektorit, prokuroria cdo herë ka hezituar. Në këtë universitet është punësuar Bujar Jashari, është punësuar gruaja e dekanit Lejla Ibrahimi me mbiemër të vajzërisë, po ashtu është Ibrahim Qinaku, i cili që tri vite është jashtë shtetit dhe merr pagë në universitet” tha Mexhid Ramusa.

Në shenjë proteste, protestuesit vendosën një peshqir të bardhë dhe një lule përkujtimore, duke thënë se e pamja për këtë universitet do të zgjasë deri në largimin e rektorit Bajraktari.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim