Ferizaj

“Buzëqesh – Është vetëm një kromozom shtesë”

Published

7 years ago

21 March, 2019

“Mos u dorëzo”, “Buzëqesh”, ishin disa nga mbishkrimet e qytetarëve, të cilët me një marsh simbolik kishin dalur sot në përkrahje të fëmijëve të prekur me sindromën Down, në ditën ndërkombëtare të tyre.
Këta fëmijë dhe qytetarë të cilët i’u bashkuan marshit të tyre, duke u dhuruar qytetarëve të rastit lule të freskëta, marshuan nga biblioteka e qytetit deri para objektit të komunës së Ferizajt, ku u pritën nga kryetari Agim Aliu.

“Ne në esencë vazhdueshëm e shënojmë ditën e tyre, por kjo është vetëm simbolika që është ditë e fëmijëve me sindromë Down, dhe ajo që ne e shënojmë vazhdueshëm është mbështetja që e kemi vazhdueshëm për këta fëmijë. Ne tashmë i kemi mbështetur me projekte të caktuara, dhe kjo është më shumë se një obligim institucional, por kjo nuk është për tu lavdëruar kryetari i komunës, por për tu lavdëruar është kujdesi i prindërve dhe familjarëve”, – deklaroi me këtë rast kryetari Aliu.

I pyetur për gjasat që institucionet shtetërore të përcjellin shembullin e mirë të bizneseve lokale në punësimin e personave me sindromën Down, Aliu tha se në fakt komuna ka iniciuar politika për të punësuar prindërit e këtyre fëmijëve me nevoja të veçanta.

“Unë po besoj se po të ishit pak më të vëmendshëm si media, por mediat zakonisht shmangen nga këto tema, ne nuk i kemi bërë publike, por kemi bërë mbështetje për prindër që kanë fëmijë me sindromën Down. Ne nuk mjaftohemi vetëm në një ditë për të mbështetur këta fëmijë e prindër. Ne tani kemi familjarë, prindër, nëna që janë pjesë e institucioneve dhe madje ata do të kenë përparësi në konkurset publike” – tha ndër të tjera kryetari Aliu.

Ndërsa, menaxherja e qendrës së ”Down Syndrome Kosova” në Ferizaj, Yllka Mani, shpreson se mesazhet e përçuara sot, do të gjejnë reflektim pozitiv në shoqërinë tonë.

“Sot për të 13- në herë ne po festojmë këtë ngjarje, dhe në kuadër të saj ne kemi organziuar disa ativitetete që kanë qëllim vetëdijësimin e qytetarëve për realizimin e të drejtave të personave me sindormën Down, dhe uroj që këto mesazhe që kemi përcjellur edhe përmes luleve dhe mbishkrimeve, uroj që institucionet të na ofrojnë një përkrahje më të madhe dhe ne tu mundësojm një jetë më të mirë këtyre personave”, tha Mani.

Kurse Indire Alija, nëna e Eloidës, vajzës së prekur me sindromën Down, e cila tashmë është punësuar në një klinikë private, uroi të gjitha familjet e tjera që fëmijët e tyre poashtu të punësohen së shpejti.

“Kemi dalur të bëjmë një marsh tu tregojmë se edhe këta dhurojnë dashuri, janë si ne. Si prind që jam, sfida është shumë e madhe, por duhet të tejkalohen të gjitha. Mesazhi imë është që t’i ekspozojnë më shumë fëmijët, t’i duan më shumë” – tha Indire Alija nga Ferizaj.

Për të shënuar ditën botërore të personave me sindormën Down, autoklubi i Ferizajt kishte organizuar një sfilatë automobilistike. Burim Aslllani, përfaqësues i këtij klubi në Ferizaj, tha se aktiviteti i sotëm ka për qëllim që fëmijëve të prekur me sindromën Down ta përjetojnë kënaqësinë e automobilizmit, por njëkohësisht edhe të grumbullohen mjete për shoqatën e tyre.

“Planifikojmë të mbledhim mjete për ta. Garë nuk do të ketë, por ne kemi planifikuar që të jetë vetëm një shfaqje e makinave dhe motorave. Idea ka qenë që fëmijët të jenë afër makinave, t’i shikojnë ato, të hipin në makinë, t’i prekin ato”, tha Asllani.

Në sfilatën e sotme të organizuar nga autoklubi i Ferizajt, brenda një ore u grumbulluan rreth 400 euro të donacioneve nga qytetarët dhe bizneset lokale. Në komunën e Ferizajt, janë mbi 100 persona të cilët janë të prekur nga sindroma Down.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

7 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

2 weeks ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.