Ferizaj

Bletari ferizajas merr medaljen e argjend për cilësi të mjaltit

Published

6 years ago

21 October, 2019

Bletaria si profesion është i vështirë, por nëse këtë e ke hobi atëherë është shumë e lehtë, ngase me përkushtim arrihet gjithçka. Kështu thotë Rasim Hamiti, bletar nga Ferizaj, i cili po vlerësohet për cilësinë e mjaltit të prodhuar nga bletët e tij.

“Më shumë që më ka çu peshë është ky vlerësimi i fundit, është një shoqatë e bletarëve në Sazin të Bosnjës në kufi me Kroacinë, nëse nuk gaboj, edhe atje i kam dërgu disa mostra dhe e kam fitu medaljen e argjend, ka pas konkurrentë edhe prej Gjermanisë, Austrisë, Kroacisë, Sllovenisë, Maqedonisë, prej Kosovës kisha qenë vetëm unë që jam renditur i 31-ti në renditjen e gjithëmbarshme kam marrë një medalje të argjend, kam gabuar në kategorizim, mjaltin e kam shkruar që është mjaltë livadhi, mirëpo ajo kishte qenë mjaltë mali edhe për atë kam humbur pikë se përndryshe isha renditë shumë më lartë“, theksoi ai.

Me këtë profesion me të cilin Rasimi merret që 3 vite, nuk është i angazhuar vetëm ai. Për më shumë se 120 koshere bletësh, përkujdeset e gjithë familja.

“Këtë mjaltë e kemi nxjerrë bashkë me bashkëshorten dhe dy fëmijët d.m.th e kemi bërë një punë familjare, normal që mjalta është e bletëve dhe është merita e tyre më shumë, por ne e kemi bërë punën e centrifugimit, nxjerrjen e kornizave dhe gjithçka tjetër e kanë bërë fëmijët dhe bashkëshortja“, u shpreh Hamiti.

Hamiti, thekson se për të qenë bletar i suksesshëm nuk mjafton vetëm përkujdesi ndaj bletëve, por duhet edhe dashuri ndaj tyre.

”Unë e kam fituar tashmë një stad, nëse nuk i shoh një ditë, nuk i afrohna secilës koshere te hyrja edhe me pa në çfarë gjendje janë bletët, si po hynë si po dalin, aty është një pasqyrë që neve bletarëve na tregon se në çfarë gjendje janë, si shëndetësore, a kanë rezerva të mjaltit, gjithçka aty e shohim“, tha ai.

Hamiti, kërkoi më shumë bashkëpunim në mes të bletarëve ferizajas, duke thënë se një gjë e tillë nuk është për lakmi në Ferizaj.

Ferizaj

Gjykata në Ferizaj cakton 1 muaj paraburgim dy zyrtarëve të dyshuar për ryshfet

Published

4 hours ago

27 February, 2026

Redaksia

Gjykata Themelore në Ferizaj caktuar masën e paraburgimit në kohëzgjatje prej 1 muaji për dy zyrtarët e KEDS-it të cilët dyshohen për ryshfet.

Kjo pasi, gjyqtari i procedurës paraprake ka pranuar kërkesën e Prokurorisë themelore të Ferizajt për caktimin e masës së paraburgimit ndaj të pandehurve B.B dhe E.K. të cilët janë kapur dhe arrestuar në flagrancë nga ana e Policisë së Kosovës, për pranim të ryshfetit.

Në njoftimin e Gjykatës Themelore të Ferizajt mes tjerash bëhet e ditur se të arrestuarit dyshohen për veprën penale pranimi i ryshfetit në sektorin privat nga neni 309 paragrafi 1 lidhur me nenin 31 të Kodit Penal të Republikës së Kosovës.

“Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake në Departamentin e Përgjithshëm – Divizioni Penal, Dardan Maloku, ka vlerësuar se ekziston dyshimi i bazuar, se më datë 25.02.2026 në Ferizaj, përkatësisht në KEDS, i pandehuri B.B., në cilësinë e koordinatorit të njësisë së kontrollit në Departamentin për humbje të energjisë elektrike, dhe i pandehuri E.K. në cilësinë e ushtruesit të detyrës së koordinatorit për lidhje të reja, gjatë ushtrimit të detyrave të tyre lidhur me ofrimin e shërbimeve ndaj konsumatorëve, në mënyrë të drejtpërdrejte i kanë kërkuar shumën prej katërqind (400.00) € të dëmtuarit A.H., me arsyetimin se njësori elektrik do t`i vendoset brenda një jave në lokalin e tij, në të kundërtën do të duhet të pres pesë deri në gjashtë muaj për vendosjen e njësorit elektrik, si dhe këtë shumë të hollash do të ndanin ndërmjet katër personave, me ç`rast pas zbatimit të masave të veçanta hetimore, të njëjtit janë kapur dhe arrestuar në flagrancë nga ana e Policisë së Kosovës”, thuhet mes tjerash në njoftimin e Gjykatës.

Ferizaj

Arrestohet një person për kanosje me thikë

Published

4 days ago

23 February, 2026

Redaksia

Policia në Ferizaj ka arrestuar një person të dyshuar për tentim të sulmit me thikë.

Në raportin 24 orësh të policisë bëhet e ditur se ngjarja ndodhi të dielën rreth orës 10:10.

“ Është arrestuar i dyshuari mashkull kosovar, pasi që i njëjti pas një mosmarrëveshje kishte tentuar ti sulmoj dy viktimat një mashkull dhe një femër kosovare.

Nga i dyshuari është sekuestruar mjeti i mprehtë thikë. Me vendim të prokurorit kujdestar i dyshuari ndalohet në qendrën e mbajtjes” ka njoftuar policia.

Ferizaj

Hapet restoranti “ODA Grill House” në Pleshinë të Ferizajt

Published

2 weeks ago

13 February, 2026

webmaster

Në Pleshinë të Ferizajt ka hapur dyert restoranti “ODA Grill House”, një hapësirë e re gastronomike që sjell kombinimin e ushqimit tradicional me një ambient të ngrohtë dhe unik për vizitorët.

“ODA Grill House” ofron menu me specialitete tradicionale, duke synuar të krijojë një përvojë të veçantë për familjet, miqtë dhe të gjithë ata që preferojnë kuzhinën vendore.

Ambienti i brendshëm i restorantit është dizajnuar në mënyrë funksionale dhe komode, duke e bërë të përshtatshëm si për manifestime familjare ashtu edhe për takime shoqërore.

Lokacioni i restorantit “ODA Grill House” është në fshatin Pleshinë, 5 km larg Ferizajt.

*Artikull i sponsorizuar