Ferizaj

Nuredin Azemi kujtohet si njeri me virtyte të larta

Published

6 years ago

01 November, 2019

Pas një sëmundje të rëndë, ka ndërruar jetë kitaristi dhe bashkëthemeluesi i grupit ”TRIX”, Nuredin Azemi, në moshën 65 vjeçare. Duke evokuar kujtime për të, rok këngëtari i grupit ”TRIX” Veli Sahiti, që me Azemin bashkëpunoi 20 vite, e përshkruan si njeri të dashur dhe të përkushtuar në punë.

“Në çdo paraqitje që kishim, në ndonjë performancë muzikore, koncerte apo mbrëmje, e kam pas dorë të djathtë, sepse gjithmonë ato angazhimet e tij kanë qenë aq shumë të tepërta që ndonjëherë u detyrojsha t’i them ngadalë bre rri ti pusho pak se janë edhe anëtarët e tjerë që mund të na ndihmojnë në përgadtitjen e skenës apo në përgatitjen e instrumenteve apo akordimet e të gjitha këto që lypen për një koncert. Kemi performuar në mëse 200-300 koncerte ku i kemi mbajtë së bashku anë e mbanë Kosovës dhe në Diasporë”, u shpreh Sahiti.

Ndërkaq, Osman Shehu solo këngëtar i rok grupit “Fontana”, Nuredinin e kujton si shembull për grupin e tij muzikor “Fontana”:

“Më kujtohet për herë të parë, kur grupi ”TRIX” incizuan kengen “Ti je lot në syrin tim”, për herë të parë kur i dëgjova tingujt e kitares që Nuredini i kish ekzekutu aq bukur, aq ëmbël ishte edhe një motiv shtesë për neve si grup ”Fontana” që edhe u jemi falënderues se këta ishin një grup pak më heretdhe Nuredini me Veliun na mbështetën fort. Nuredini ka qenë një muzicientë shumë i edukuar, asnjëherë nuk ka ditur ta ofendon dikënd, por gjithmonë e ka mbajtë një qëndrim, i ka ndihmu edhe atyre që ndoshta nuk e kishin moralin tepër të madh për të punuar diqka, ai i ndihmonte, vërtet ishte një njeri shumë i madh”, tha Shehu.

Varrimi i Nuredin Azemit do të bëhet nesër.

Ferizaj

Ngritët aktakuza e parë për zgjedhjet e 28 dhjetorit

Published

2 weeks ago

22 January, 2026

Redaksia

Prokuroria Themelore në Ferizaj ka ngritur aktakuzën e parë lidhur me zgjedhjet e 28 dhjetorit 2025, për veprën penale “Asgjësimi i dokumenteve të votimit”.

Në njoftim bëhet e ditur se sipas aktakuzës, më 28 dhjetor 2025, në një qendër të votimit në qytetin e Shtimes, i pandehuri me inicialet M.A., ka dëmtuar dokumentet e votimit lidhur me zgjedhjet për Kuvendin e Republikës së Kosovës.

Me këto veprime janë përmbushur elementet e veprës penale për të cilën është ngritur aktakuza pranë Gjykatës Themelore në Ferizaj – Departamenti për Krime të Rënda.

Prokurori i Shtetit njofton opinionin publik se të gjitha rastet eventuale që kanë të bëjnë me procesin zgjedhor të 28 dhjetorit 2025, do të trajtohen me prioritet dhe në përputhje të plotë me ligjin, me qëllim të mbrojtjes së integritetit të procesit zgjedhor dhe sundimit të ligjit.

Ferizaj

Devijime minimale të rezultatit nga rinumërimi i mbi 53% të votave në Ferizaj

Published

2 weeks ago

20 January, 2026

Redaksia

Nga rezultatet e përditësuara të KQZ-së për rinumërimin e votave në Ferizaj, deri në orën 12:00, kur janë rinumëruar rreth 53% të të gjitha votave për kandidatë për deputetë, vërehet një numër shumë i vogël i devijimit nga rezultatet preliminare.

Diferencat e gjetura të votave janë përgjithësisht në marzhën e gabimeve teknike, pasi që deri tani dallimi i votave individuale në shumicën e rasteve është një shifror me disa përjashtime, ku dallimi është mes 30 dhe 40 vota.

Mospërputhjet më të mëdha, deri tani janë tek disa kandidatë të Lëvizjes Vetëvendosje, si tek rasti i Hekuran Muratit të cilit i shtohen +37 vota, Hajrulla Çekos +22 vota, Valon Ramadanit +19 vota derisa në të njëjtën kohë, Albin Kurtit i hiqen – 39 vota apo Glauk Konjufcës të cilit i hiqen -20 vota.

Tek PDK-ja, kandidatit Rashit Qalaj i shtohen +10 vota, Burim Bajramit +10 vota kurse kandidatit Rrahman Rama i hiqen -16 vota, Bedri Hamzës -8 vota e kështu me radhë.

Tek LDK-ja, Ukë Rugovës i shtohen +13 vota, Hykmete Bajramit +11 vota derisa janë disa kandidatë të cilëve u hiqen nga 2 ose 3 vota.

Sipas ecurisë së deritashme, pritet që rinumërimi i tërësishëm i votave në Ferizaj të përfundojë në orët e pasdites së sotme.

Ferizaj

Për manovra të rrezikshme ndëshkohen 7 shoferë në Ferizaj

Published

3 weeks ago

12 January, 2026

Redaksia

Policia në Ferizaj ka njoftuar se gjatë kontrolleve të realizuara në pika të ndryshme të qytetit, kanë identifikuar dhe ndëshkuar tetë shoferë për shkelje të rënda në komunikacion.

Sipas njoftimit, 7 shoferë janë ndëshkuar, sepse kanë kryer manovra të rrezikshme, përfshirë rrëshqitjen e gomave me frenë dore, ndërsa një shofer është ndëshkuar për qarkullim me automjet me afat të skaduar të regjistrimit.

Për këto kundërvajtje, shtatë shoferëve u është shqiptuar gjobë nga 150 euro dhe nga një (1) pikë negative secilit.

Të ndëshkuarit janë:

V.H. (31 vjeç), me veturë Mercedes-Benz, ngjyrë hiri, me targa vendore

B.R. (30 vjeç), me veturë BMW XM, ngjyrë e kaltër, me targa vendore

D.B. (21 vjeç), me veturë Audi, ngjyrë e bardhë, me targa vendore

B.B. (22 vjeç), me veturë VW Golf, ngjyrë e bardhë, me targa vendore

B.I. (20 vjeç), me veturë Opel, ngjyrë hiri, me targa vendore

L.S. (31 vjeç), me veturë Audi, ngjyrë e bardhë, me targa vendore

L.A. (32 vjeç), me veturë BMW, ngjyrë e bardhë, me targa vendore

Ndërsa shoferi A.G. (29 vjeç), me veturë Ford, ngjyrë e gjelbër, me targa vendore, është ndëshkuar pasi automjeti kishte afat të skaduar të regjistrimit që nga data 02.12.2025.

Atij i është shqiptuar gjobë prej 200 euro dhe automjeti i është konfiskuar përkohësisht.