Ferizaj

Rrënohet objekti i Organizatës së Pensionistëve në Ferizaj

Published

6 years ago

20 November, 2019

Objekti i Organizatës së Pensionistëve në Ferizaj, ka nisur të rrënohet për t’i lënë vendin projektit “Bashkimi i qytetit”, ku do të ndërtohet një rrethrrotullim. Drejtori i Drejtorisë së Pronës, Kadastrit dhe Gjeodezisë në Ferizaj, Sabri Murseli, tha se drejtuesit e kësaj organizate janë pajtuar për rrënim të objektit dhe për zhvendosjen e tyre në një lokacion tjetër.

“Në kuadër të kësaj ne e kemi arritur një marrëveshje paraprake me pensionistët në mënyrë që komuna të merr përsipër edhe ndërtimin e objektit të ri të pensionistëve dhe me buxhetin aktual e ka paraparë si kod buxhetor në mënyrë që vitet e ardhshme të ndahet një shumë më konkrete në mënyrë që të filloj ndërtimi i objektit të ri. Sa u përket pensionistëve ata i kanë siguruar zyrat e tyre, bufetë e tyre, tash edhe operojnë lirshëm. Në kuadër të kësaj ju e dini që me vendimin e Kuvendit Komunal janë marrë përsipër edhe shpenzimet për sa i përket Organizatës komunale të Pensionistëve, është ndarë një shumë e cila është e precizuar në Kuvendin Komunal dhe që do të filloj implementimi i atij vendimi nga ana e komunës së Ferizajt”, u shpreh Sabri Murseli.

Ai tha se lokalet afariste që kanë qenë pjesë e këtij objekti janë përfshirë në marrëveshje për kompensim të të hyrave.

“Me vendim të Kuvendit Komunal janë marrë përsipër edhe të hyrat që janë realizuar nga lokalet që kanë qenë të lëshuara me qira, në kuadër të kësaj nga komuna e Ferizajt është marrë një obligim rreth dy mijë euro që do t’iu paguhet në shuma mujore Organizatës së Pensionistëve, shumë e cila e siguron operimin e Organizatës dhe mbulimin e shpenzimeve që i kanë lidhur me funksionimin e tyre”, tha Murseli.

Komuna e Ferizajt ka ndarë rreth 19 ari tokë më shumë për ndërtimin e objektit të ri për Organizatën komunale të Pensionistëve, prapa objektit të Qendrës së Inovacionit dhe Ndërmarrësisë.

Ferizaj

Arrestohet për vjedhje të trotineteve dhe biçikletave në Ferizaj

Published

7 days ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

1 week ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.

Ferizaj

Gjobiten dy të rinj që po zhvillonin gara shpejtësie në Ferizaj

Published

1 week ago

20 August, 2025

Redaksia

Policët e Njësisë së Komunikacionit Rrugor në Ferizaj, të martën pak para mesnate, kanë ndaluar dy shoferë që po zhvillonin gara shpejtësie dhe po rrezikonin sigurinë publike në rrugën “Driton Islami” në Ferizaj.

Shoferi L.Q. (19 vjeç), me veturë të tipit BMW me targa të huaja, është kapur në flagrancë duke garuar me një veturë tjetër. Atij i është shqiptuar gjoba prej 1000 eurove.

Shoferi tjetër Y.T. (19 vjeç), me veturë BMW me targa të huaja, është kapur në flagrancë duke marrë pjesë në gara shpejtësie. Për këtë kundërvajtje të rëndë është dënuar me gjobë prej 500 eurove, ndalesë për të drejtuar automjet në territorin e Republikës së Kosovës për 12 muaj.

Si dhe gjobë shtesë prej 500 eurove dhe masë mbrojtëse 6 muaj ndalim drejtimi, për shkak të një mase të mëhershme të ndalim-drejtimit, të cilën e kishte nga data 10.08 – 09.11.2025.

Këtij të fundit i është konfiskuar vetura, thuhet mes tjerash në njoftimin e Policisë së Kosovës.