Ferizaj

Nga tërmeti në Durrës lëkundjet ndjehen edhe në Ferizaj

Published

5 years ago

26 November, 2019

Lëkundjet e tërmetit të fortë me magnitudë 6.4 që goditi Shqipërinë në orët e para të mëngjesit të sotëm, janë ndjerë edhe në Ferizaj. Dridhjet e tokës kanë krijuar panikë ndër qytetarë të këtushëm të cilët rëfejnë shqetësimet e tyre në momentin e dridhjeve.

“Kam qenë fjetë bashkë me familjen, përnjëherë na ka dalë gjumi dhe kemi zbritur poshtë, nga rruga e Gjilanit kemi ardhur në parking të ”Vivës”. Në ora 4:00 kemi qenë poshtë banesës, fëmijët pak të trishtuar se nuk e dinin çka po ndodhë, ka qenë frikë e madhe. Dëme nuk janë bërë në banesë, por vetëm orenditë janë luhatur edhe jemi zgjuar”, tregoi Ramiz Murati.

Ai tregon se aty u panë shumë qytetarë.

“Ka pas këtu në parking të “Vivës” vetura të ndezura, po ashtu edhe qarkullimi ishte sikur të ishte ditë, tek banesa ime ishte edhe një familje që kishin pas zbritur“, tha Murati.

Megjithatë, në Kosovë nuk është raportuar për ndonjë dëm të shkaktuar nga tërmeti.

Ferizaj

Lëndohet një person në vendin e punës në Ferizaj

Published

1 week ago

30 April, 2025

Redaksia

Një person është lënduar të martën në vendin e punës në Ferizaj.

Në raportin 24 orësh të policisë bëhet e ditur se ai është dërguar për trajtim mjekësor në QKUK, derisa në vendin e ngjarjes kanë njësitet policore dhe inspektorati i punës.

Rasti është iniciuar si “asgjësim, dëmtim apo heqja e pajisjeve mbrojtëse dhe rrezikim i sigurisë në vendin e punës”.

“Raportohet se viktima mashkull kosovar gjatë punës ka pësuar lëndime trupore dhe është dërguar në tretman mjekësor në QKUK. Në vendin e ngjarjes kanë dal njësitet përkatëse policore dhe inspektori i punës”, thuhet në njoftimin e policisë.

Ferizaj

Arrestohet një i dyshuar për therjen e 16 vjeçarit në Ferizaj

Published

2 weeks ago

28 April, 2025

Redaksia

Policia ka identifikuar njërin nga tre personat që sulmuan dhe plagosën me thikë të miturin F.V. 16 vjeç, në oborrin e një shkolle në rrugën “Gjon Sereqi” në Ferizaj.

Sipas policisë, i dyshuari M.D., shtetas i Shqipërisë, është arrestuar sot rreth orës 12:30 në rrugën “At Nikë Prela” në Ferizaj dhe gjatë kontrollit atij i është gjetur dhe konfiskuar një thikë që dyshohet të jetë përdorur në kryerjen e veprës penale.

Me vendim të prokurorit të rastit, i dyshuari është ndaluar për 24 orë, në pritje të procedurave të mëtejshme hetimore.

Ndryshe, i mituri i plagosur rëndë, pas trajtimit fillestar në emergjencën e Ferizajt është dërguar në Qendrën Klinike Universitare të Kosovës (QKUK) në Prishtinë.

Ferizaj

I mituri në gjendje të rëndë pas sulmit me thikë në Ferizaj

Published

2 weeks ago

28 April, 2025

Redaksia

Një i mitur ka mbetur i lënduar rëndë pasi është sulmuar me thikë nga tre persona të dielën në Ferizaj.

Policia ka njoftuar se viktima është dërguar në Qendrën Klinike Universitare të Kosovës pas trajtimit mjekësor në emergjencën e Ferizajt.

Në raportin 24 orësh të policisë bëhet e ditur se sulmi fizik ndaj viktimës ka ndodhur të dielën, në rrugën “Gjon Sereqi” rreth orës 15:10, derisa ende nuk dihet identiteti i sulmuesve.

“Viktima mashkull kosovar ka pësuar lëndime pasi që i njëjti dyshohet se është sulmuar nga tre persona të panjohur, ku njëri prej tyre e ka goditur viktimën me një mjet të mprehtë-thikë. Viktimës fillimisht i është ofruar tretman mjekësor në QE-Ferizaj, pastaj është dërguar për trajtim të mëtejshëm në QKUK. Lidhur me rastin është informuar e konsultuar edhe prokurori, ndërsa njësitet policore kanë dalë në vendin e ngjarjes dhe janë duke hetuar rastin”, ka njoftuar Policia e Kosovës.