Ferizaj

Kundërshtohet vendimi për largimin e Dashurie Ahmetit nga pozita e shefes së Rinisë

Published

7 years ago

29 January, 2020

Udhëheqësja e deritanishme e Sektorit të Rinisë pranë Drejtorisë së Kulturës, Rinisë dhe Sportit, Dashurie Ahmeti, nga tash do të mbaj pozitën e zyrtares për shërbime sociale, pas një vendimi që ajo pranoi nga komuna e Ferizajt. Një vendim të tillë ajo e quan të turpshëm.

“17 vjet mund, kontribut dhe angazhim, sot kam pranuar vendimin më absurd në institucionin ku edhe jam rritur, nga pozita Udhëheqëse e Sektorit të Rinisë në Drejtorinë e Kulturës, Rinisë dhe Sportit në pozitën Zyrtare për Shërbime Sociale, kjo nuk don koment. Marre! “, është shprehur Ahmeti në një postim në facebook.

Këtë vendim nuk e kanë pritur mirë as vullnetarët e këtij sektori.

“Lajmi për largimin e Dashurisë nga pozita e saj ka qenë shumë i befasishëm duke marrë parasysh angazhimin e saj dhe punën që ka bërë për rininë dhe duke u bazuar krejt në këtë punë ne e vlerësojmë si të padrejtë dhe të paarsyeshëm vendimin e kryetarit për largimin e Dashurisë. Ne nuk e dimë arsyen pse, por duke parë spekulimet e njerëzve që e mendojnë veten udhëheqeës të ri të sektorit dhe duke i njohur ata, nuk mendojmë se do të vazhdojmë punën njëjtë që kemi bërë deri tani”, tha Egzon Musliu.

Për largimin e Ahmetit nga kjo pozitë, kryetarit Aliu do t’i dërgohet edhe një peticion i cili është duke u organizuar nga vullentarët e këtij sektori.

“Ne si grup kemi ndërmarrë inciativë të bëjmë edhe një peticion dhe t’ia dërgojmë kryetarit të komunës që me shqyrtu edhe një herë rastin e degradimit të pozitës së Dashurisë. Peticionit do t’ia bashkëngjesim edhe letrën me nënshkrime të të gjitha gjeneratave që kanë qenë vullnetarë dhe që kanë bashkëpunuar me të dhe lusim kryetarin që të shqyrtoj këët vendim edhe një herë”, tha Elmira Topalli, vullnetare në Sektorin e Rinisë.

Përveç vullnetarëve të Sektorit të Rinisë, për shkarkimin e Ahmetit ka reaguar edhe grupi i grave të Akademisë për Lidership të cilat kanë paralajmëruar edhe një protestë me moton “Kundër diskriminimit të grave”, kjo pasi nga burime jozyrtare merret vesh se në vend të Dashurie Ahmetit do të vie një person i gjinisë mashkullore.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.