Ferizaj

Nis rregullimi i trotuareve në Ferizaj

Published

6 years ago

07 April, 2020

Në rrugën ‘’Dëshmorët e Kombit’’ në Ferizaj, saktësisht nga kisha dhe xhamia deri tek teatri ‘’Adriana’’, ka nisur të rregullohet trotuari.

Drejtori i Shërbimeve Publike në Ferizaj Arben Halili, tha se punët do të kryhen shumë shpejtë meqë bizneset janë të mbylluara dhe qarkullimi i njerëzve është më i reduktuar për shkak të situatës me koronavirusin.

“Është duke u bërë riparimi i trotuarit në të dyja anët, është një kohë e mirë për këtë punë, sepse e kemi pasur problem kur e kemi diskutuar riparimin e këtyre trotuareve për shkak se mund t’iu bëjmë pengesa biznesve, por në këtë fatkeqësi është një fat i mirë, sepse jemi duke shfrytëzuar këtë mungesë të mospunës së biznesve, do të bëhet deri tek rrethrrotullimi i vogël, pastaj do të vazhdojmë në pjesën e poshtme të qytetit nga objekti i KEDS-it deri tek furra e “Mikelit”, në të njëjtën kohë jemi duke e shikuar mundësinë nëse ka nevojë me shtu shtylla të ndricimit, po ashtu do të largojmë këta drunj pasi në kuptimin ekologjik nuk janë drunj që i korrenspodojnë rrugëve të qytetit”, tha Halili.

Halili tha se gjatë rregullimit të trotuareve do të krijojnë kushte për lëvizje edhe për personat me nevoja të vecanta.

“Kemi filluar edhe me riparim të rrugëve të qytetit, jemi duke shfrytëzuar këtë fatkeqësi me qëllim që mos të kemi pengesa në qarkullim më vonë. Po ashtu jemi në koordinim me shoqatat “Hendifer” dhe “Handikos” ku kanë pasur pengesa në lëvizje dhe po besoj që do të bëhet një punë e mirë”, tha Halili.

Rregullimi i trotuareve në këto pjesë të qendrës së qytetit, buxhetit të komunës do t’i kushtoj rreth 60 mijë euro.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

2 hours ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

2 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.

Ferizaj

Në Ferizaj raportohen katër bankënota të dyshuara nga 500 €

Published

4 weeks ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”