Ferizaj

KBI në Ferizaj uron myslimanët për muajin e Ramazanit

Published

6 years ago

23 April, 2020

Besimtarët mysliman këtë vit muajin e shenjtë të Ramazanit do ta nisin më ndryshe se herave të tjera, për shkak të gjendjes së krijuar nga pandemia Covid-19.

Shumë ceremoni fetare këtë vit do të jenë të kufizuara për shkak të masave që kanë vendosur institucionet shëndetësore të vendit me qëllim të parandalimit të pandemisë.

Kryetari i Këshillit të Bashkësisë Islame në Ferizaj, Fehmi Mehmeti, duke uruar nisjen e muajit të shenjtë të Ramazanit kërkoi nga besimtarët që të bëjnë durim dhe të respektojnë masat që kanë vendosur institucionet.

“Nesër është dita e parë e muajit Ramazan, muajit të shpresës, faljes dhe mëshirës, por këtë muaj Ramazani po na gjenë ndryshe, me xhami të mbyllura, me qaben e bekuar të mbyllur. Tani duhet të përballemi me një situatë të imponuar, me këtë rast unë ju ftoj për durim e respektim të masave që dalin nga udhëheqësit tanë, sepse kjo është për të mirën tonë”, tha Mehmeti.

Ndërkaq, sekretari i KBI-së në Ferizaj, Lutfi Halili, tha se të gjitha organizimet përfshirë edhe falja e taravive këtë vit nuk do të bëhet në xhami.

“Bashkësia Islame si çdo vit është e përgatitur, mirëpo fatkeqësisht obligimet që i ka besimtari gjatë muajit të shenjtë të Ramazanit këtë vit janë të cunguara për shkak të pandemisë, prandaj edhe si çdo institucion tjetër edhe ne prej muajit të kaluar të gjitha xhamitë i kemi mbyllur dhe aktivitetet janë të mangëta. Edhe tek ne nuk mund të kryehen ceremonitë fetare sikurse janë falja e namazit të taravisë dhe aktivitetet e tjera, pra secili prej nesh këto t’i kryej në shtëpi, prandaj edhe ne si KBI e kemi këtë apel që të qëndrohet në shtëpi, secili adhurim, secili ibadet të kryhet në shtëpi jo në xhami”, tha Halili.

Si masë mbrojtëse nga koronavirusi, qytetarët po përdorin dezinfektues me përbërje alkooli. Halili tha se ky alkool është alkool medicional dhe nuk është i ndaluar për besimtarët andaj nuk paraqet problem për agjërim.

“Islami qysh herët e ka cituar punën e pastërtisë, krijuesi i do pastëritë. Islami e ka bërë obligim që të pastrohet trupi, dezinfektimi i alkoolit lejohet, ky nuk është alkool, por është alkool medicional i cili lejohet të përdoret”, tha Halili.

Me rastin e muajit të shenjtë të Ramazanit Këshilli i Bashkësisë Islame përmes shoqatës “Berqeti”, ka nisur të bëjë shpërndarjen e ndihmave për familjet në nevojë, ku u tha se ndihma do të shpërndahen gjatë tërë muajit të shenjtë të Ramazanit.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar