Ferizaj

Kërkohet kujdes nga qytetarët edhe pas lehtësimit të masave

Published

5 years ago

01 May, 2020

Instituti Kombëtar i Shëndetësisë Publike të Kosovës gjatë kësaj jave në komunën e Ferizajt ka marrë afër 70 mostra për ritestim për virusin COVID-19.

Drejtoresha e Qendrës Rajonale të Shëndetit Publik në Ferizaj Sevdije Mehmeti, tha se rezultatet e këtyre mostrave pritet të dalin së shpejti.

“Realisht situatën nuk e kemi keq, jemi duke i bërë ritestimet në familjet me radhë, asnjë nuk do të mbetet pa u ritestuar, rezultate definitive ende nuk kemi, por ne jemi në kontakt me të gjithë dhe shenja nuk kanë asnjë dhe duke e parë kështu presim rezultate negative. Çdo ditë në tendën që është vendosur janë duke u marrë mostra, vetëm sot janë marrë 33 mostra të gjitha ritestime, 3 janë nga Kaçaniku, 30 nga Ferizaj edhe dje kemi marrë 34 ritestime dhe do të vazhdojmë deri në fund, çdo rast që ka dalë pozitiv do ta ritestojmë varësisht nga data që janë, nëse herën e dytë dalin prapë pozitiv ata konsiderohen persona të shëruar, por prapë atyre nuk u jep komoditetin me dalë në rrugë, ata të gjithë duhet të vetizolohen për 14 ditë, por edhe nëse dalin negativ, ne po shpresojmë që të gjithë do të dalin negativ, por gjithsesi gjithmonë duke respektuar masat”, tha Mehmeti.

Mehmeti tha se qytetarët duhet të vazhdojnë të kenë kujdes dhe të mbrohen nga virusi, pavarësisht paralajmërimeve të Ministrisë së Shëndetësisë për lehtësim të masave.

“Gjithherë rreziku ekziston, ne kemi thënë që mund të ketë bartës të shëndosh dhe ai mund të jetë bartës i virusit, prandaj daljet e panevojshme nuk arsyetohen, daljet në grumbuj nuk arsyetohen e poashtu daljet pa maska e rritin rrezikun. Unë u bëj apel inspektorëve të dalin më shumë sepse e vetmja mënyrë është kjo, të mbahet distanca, të shohin personat a janë duke iu përmbajtur masave e veçanërisht kjo vlenë për marketet”, tha Mehmeti.

Që nga përhapja e koronavirusit në nivel vendi, në komunën e Ferizajt kanë rezultuar pozitiv me koronavirus afër 100 persona, ndërsa gjatë kësaj jave në këtë komunë nuk është shënuar asnjë rast.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.