Connect with us

Ferizaj

Në prezantimin e punës 6 mujore qytetarët kërkojnë investime

Published

on

Kryetari i komunës së Ferizajt Agim Aliu, bashkë me ekipin e tij për afër katër orë rresht bashkëbiseduan me qytetarë të kësaj komune. Në këtë diskutim publik, kryetari i komunës i njoftoi qytetarët për të arriturat, sfidat dhe projektet që kanë realizuar në gjashtëmujorin e parë të këtij viti. Po ashtu, aty u diskutua edhe korniza afatmesme buxhetore për vitin 2021-2023.

“Kemi dëshmuar edhe gjatë dy viteve të kaluara të qeverisë sonë dhe jemi duke dëshmuar edhe në këtë vit që ne jemi qeverisje më kreative dhe më inovative që kanë të bëjnë me projekte unike dhe një ndër projektet unike është edhe hapja e ambulancës veterinare shkollore  që është për herë të parë në Kosovës, gjithashtu projekt unik që zhvillon me këtë rast Ferizaj do të jetë edhe sistemi antibreshër dhe dalëngadalë do të zgjerohemi me këtë projekt që do t’i dalim në mbrojtje bujqve tanë, po ashtu për herë të parë në nivel të Kosovës kemi shpërndarë 330 koshere bletësh, një lloj i veçantë që nuk është shpërndarë në Kosovë asnjëherë. Po ashtu, tashmë ka përfunduar gjithçka sa i përket ndërtimit të Fabrikës së Ujit në Talinoc të Muhaxherëve dhe më në fund do të ketë sasi të mjaftueshme të ujit për fshatrat që kanë pasur telashe me ujë”, tha Aliu.

Pas fjalimit disa minutësh të kryetarit, radha u erdhi atyre që ishin të ftuar. Ishin kryesisht kryetarët e fshatrave ata të cilët morën fjalën duke dhënë vërejtje, lëvdata, e duke ngritur shumë probleme me të cilat ballafaqohen komunitetet e tyre.

“Kemi pritur që me vazhdu shtrati i lumit në anën tonë në Jezerc deri tek bashkimi i lumenjve, çka ka ndodhë me të? Tjetra është që në fshatin Jezerc ka mbetur trotuari i papërfunduar i rrugës kryesore dhe është brengë e të gjithëve”, tha Nazmi Baliu, përfaqësues i fshatit Jezerc.

“Fshati Gaçkë ka mungesë të ujit të pijes, nuk ka trotuar edhe pse është thënë se do të bëhet, kemi nevojë për çerdhe në fshatin tonë”, tha Feriz Sejdiu, përfaqësues i fshati Gaçkë.

“Kemi probleme me mbeturina në fshatinë Llojza për të cilat duhet me u angazhu aty dikush”, tha përfaqësuesi i fshatit Llojza.

“Ka raste që dy shtëpi lypin me u asfaltu rruga, ndërsa ne në Mirosalë  e kemi një rrugë që janë 3 lagje dhe janë 90 shtëpi dhe aty rruga është e ngushtë e pa trotuar“, tha Përparim Bytyqi, përfaqësues i fshatit Mirosalë.

Në këtë diskutim publik, kritika pati nga përfaqësuesit e organizatës joqeveritare Iniciativa për Progres.  

“Si ka rezultuar që komuna e Ferizajt çmimet e kontratave gjatë pandemisë kanë qenë shumë të larta, rasti konkret është dezinfektimi i hapësirave publike ku për metër katror është paguar 64 centë, ndërsa çmimi mesatar në komuna të tjera ka qenë 20 centë dhe gjithashtu në kontratë  nuk është specifikuar sasia, a e konsideroni këtë shkelje të ligjit apo mungesë të transparencës komunale?”, tha Shpend Mustafa nga INPO.

“Lidhur me kontratat e pandemisë në momentin kur e keni ngritur këtë shqetësim e kam ftuar shefin e prokurimit dhe i ka dhënë sqarimet, po sido që të jetë, jemi në dispozicion për gjithçka dhe mundeni me sqaru në Zyrën e Prokurimit pa ndonjë problem“,tha Aliu.

Në këtë debat publik, drejtoresha e Financave bëri të ditur se niveli qendror ka vendosur që në vitin e ardhshëm të jenë 500 mijë euro më pak për investime  kapitale në Ferizaj.

Continue Reading
Click to comment

Leave a Reply

Your email address will not be published. Required fields are marked *

Ferizaj

Gjendet personi i raportuar i zhdukur në Ferizaj

Published

on

Policia e Kosovës ka njoftuar se pas katër ditësh kërkimi është gjetur ferizajasi i raportuar i zhdukur  më 10 nëntor 2026.

Sipas njoftimit, personi i zhdukur është gjetur në Prishtinë,  në gjendje të mirë shëndetësore.

“Me datën 11.11.2026, në stacionin policor në Ferizaj është raportuar zhdukja e personit M. O.(31 vjeç), i cili, sipas familjarëve, ishte larguar nga shtëpia me datën 10.11.2026 dhe nuk ishte kthyer.

Pas katër ditësh kërkimi, më 15.11.2026, rreth orës 01:30, personi i raportuar i zhdukur është gjetur në Prishtinë, në gjendje të mirë shëndetësore dhe më pas është kthyer në shtëpi.

Për rastin është njoftuar Sektori Rajonal i Hetimeve dhe prokurori i rastit, të cilët po e trajtojnë rastin,”  thuhet mes tjerash në njoftimin e policisë.

Continue Reading

Ferizaj

Ndahet nga jeta veterani i UÇK-së, Avdi H. Ahmeti

Published

on

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

#

Continue Reading

Ferizaj

Ndalohet për 48 orë një person për rastin e vdekjes të punëtorit në Ferizaj

Published

on

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi.  Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale  “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

#

Continue Reading

Trending