Ferizaj

Përmbaruesit ia marrin komunës mbi 2 milionë euro

Published

8 years ago

09 June, 2018

Më shumë se 2 milionë euro është shuma që përmbaruesi privat ia ka marrë komunës së Ferizajt brenda këtyre 5 muajve, ndërsa vetëm për procedura përmbarimore komuna ka paguar 40 mijë euro. Kështu bëri të ditur drejtoresha e Financave në komunën e Ferizajt Sebahate Ajeti, duke theksuar se përmes përmbaruesit komunës do t’i merren edhe mjete të tjera financiare.

“Vetëm nga përmbaruesit gjatë kësaj periudhe për pagesën e borxheve të trashëguara janë shpenzuar rreth 2,360,933.92, kurse për këtë shumë të inkasuar nga përmbaruesit janë paguar 40 mijë euro që do të thotë se këto 40 mijë euro janë paguar enkas vetëm për shpenzimet përmbarimore ose vendime të gjykatave, me këtë mund të theksoj se buxheti i komunës sonë është dëmtuar, madje është dëmtuar mjaftë shumë, pasi rrjedhimisht kjo vlerë është para e taksapaguesve para këto të cilat janë derdhur në xhepin e përmbaruesve apo të themi që janë shpenzime të kota të shkaktuar për shkak të keqmenaxhimit të qeverisjes së kaluar”, u shpreh drejtoresha Ajeti.

Por, pavarësisht kësaj, drejtoresha Ajeti tha se gjatë kësaj kohe kanë arritur edhe suksese.

“Në ndërkohë megjithë këto sfida kemi shënuar edhe suksese të shumta siç janë, rritja e të hyrave vetanake në shkallën prej 22% krahasuar me periudhën e njëjtë të vitit të kaluar, realizmi i të hyrave nga tatimi në pronë kap vlerën prej 612,671,31 euro apo krahasuar me 5 mujorin e vitit të kaluar kemi rritje të të hyrave nga tatimi në pronë prej 31%. Ne gjatë kësaj kohe kemi hartuar një politikë efikase të kursimit të parasë publike me ç’rast gjatë kësaj periudhe qeverisëse kemi arrit të ulim shpenzimet në disa kategori ekonomike efektet e të cilës po përmirësojnë vakumin buxhetor që po përjetojmë ne në këtë kohë, kemi rrit po ashtu edhe nivelin e performancës së punëtorëve në sektorin e tatimit në pronë dhe të financave, po dizajnojmë një fushatë vetëdijësuese të informimit publik për rritjen e inkasimit të tatimit në pronë e cila do të realizohet javëve në vijim”, tha Ajeti.

Drejtoresha e Financave tha se nga buxheti i vitit 2018 që është 29 milionë e 800 mijë euro, deri më tani janë shpenzuar mbi 13 milionë, shumë kjo e cila sipas saj është mjaftë e lartë për këtë 5 mujor, mirëpo tha kjo ka ndodhur për shkak të pagesës së borxheve të trashëguara nga qeverisja e kaluar.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

5 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

22 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar