Ferizaj

Rruga “Xhemë Gostovari” me gropa sikur në luftë

Published

7 years ago

27 July, 2019

Nuk është e gjatë as 300 metra, por rëndësia e rrugës “Xhemë Gostivari” në afërsi të qendrës së Ferizajt është e madhe, meqë është dalje e lagjes “Sejdi Sejdiu” drejt rrugës “Naim Beka” dhe fshatrave Zaskok e Pleshinë. Por, kjo rrugë është bërë e rrezikshme për qarkullim të automjeteve, shkaku i gropave të shumëta që janë thelluar përgjatë saj, sikur të ishte kohë lufte. Banorët ankohen se ditë më parë janë asflatuar disa rrugica në këtë pjesë të qytetit por jo edhe rruga e tyre, e cila ka vite që është në gjendje të mjerueshme.

“Unë vij këtu në pushime, tash kam ardhur me gjithë familjen, rruga është katastrofë, dhe më duket se është ndër rrugët më të këqija, edhe pse është më e qarkullueshmja. Jemi detyru vetë me i rregullu trotuaret, kam organizuar me shku në komunë, me ngritë këtë shqetësim, por banorët nuk u bënë bashkë. Dje jam detyruar me çu veturën me rregullu shkaku i rrugës. Nuk e di çka me ba, ne vazhdojmë të kontribuojmë për këtë vend, por kur të vijmë bëjnë hajgare me ne, jam shumë i zhgënjyer, shpresoj të bëhet mirë”, – u shpreh mërgimtari Zejnullah Sejdiu

“Kjo është një ndër rrugët e para në Ferizaj por kurrë nuk është asfaltu nga shteti, para luftës e kemi asflatu ne banorët, edhe kurrë ma nuk është asfaltu. Shtrohen rrugë nëpër katune nëpër kodra, e kulmi është tash krejt rrugicat janë asfaltu vetëm kjo jo, nuk e dimë arsyen. Ka biznese, ka lëvizje, dëme ka sa duash. Janë ndërtu ndërtesa në rrugën “Sejdi Sejdiu”, i gjithë betoni është bartë kësaj rruge, ndërtesat janë bërë, por rrugën nuk kanë ardhë as me shiku ma”, – tha banori Burim Xhemajli

Nga pluhuri i rrugës nuk janë në hall vetëm kalimtarët dhe banorët, por edhe bizneset të cilat veprojnë në këtë rrugë, e të cilat nuk janë të pakëta në këtë zonë.

“Na pengon shumë, kur bie shi është katastrofë, ndërsa tash është pluhur shumë i madh, është problem edhe për kilenta edhe për banorë e për vetë ne. Është katastrofë, midis qendrës me qenë kjo rrugë, shumë keq”, u shpreh Vjollca Kadriu.

Drejtori i Infrastrukturës komunale Arbër Bytyqi, në shqetësimet e banorëve u përgjegj përmes telefonit, duke i siguruar ata se në planin e veprimit Komuna e ka edhe asfaltimin e kësaj rruge, mirëpo duke mos i precizuar afatet kohore për realizimin e në projekti të tillë.

Ferizaj

Siguria juaj fillon me zgjedhjen e duhur të sigurimit

Published

11 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

11 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.