Ferizaj

Në Ferizaj po mbahet kampi veror i ping-pongut

Published

7 years ago

28 August, 2019

20 juniorët më të mirë të Kosovës në pingpong kanë filluar përgatitjet për turneun- e të rinjve që do të mbahet në Maltë. Në kuadër të përgaditjeve për këtë turne, pingpongistët kanë organizuar kampin e dytë veror, i cili kësaj radhe po mbahet në hapësirat e shkollës fillore “Tefik Canga” në Ferizaj. Trajneri Remzi Shala, thotë se është zgjedhur pikërisht kjo shkollë, meqë këtu i kanë gjetur kushtet që nuk i kanë hasur në asnjë qytet tjetër.

“Qëllimi është që të ngritet niveli i ping pongut në arenën kosovare dhe atë ndërkombtare, jemi duke përdorur të gjitha teknikat dhe është duke shkuar shumë mirë. Nxënësit janë shumë të mirë i kemi kadetët dhe juniorët. Janë nga qytete të ndryshme, kemi vendosur këtu ta mbajmë pasi kushtet momentale këtu janë më të mira, kjo sallë është shumë e përshtatshme, i kanë tavolinat dhe të gjitha kushtet“,tha Shala.

Sekretari i FPPK-së, Fadil Luta, tha se përveç përgaditjes për turneun në Maltë, ku Kosova do të përfaqësohet me 4 juniorë dhe 4 Kadetë, ky kamp u ndihmon pingpongistëve që të fillojnë edhe sezonin vjeshtor.

“Bordi ka marrë vendim që me i marrë 20 lojtarë që janë në rang listë, kjo është si lloj përgatitje për kampin që do ta kemi, që është edhe si lloj turneu në Maltë, poashtu këto përgatitje na ndihmojnë shumë pasi nga java e ardhshme fillon edhe sezoni vjeshtor, dhe lojtarëve u ndihmon të jenë në performancë të mirë. Ping-pongu është duke pasur ngritje, ka shumë interesim, edhe pse në krahasim me evropën, ping-pongu tek ne është në nivel të ulët, por nëse vazhdojmë me këtë ritëm do të jemi në hapa të sigurt. “- tha Luta.

Pingpongistët Enes Domaniku nga Prishtina dhe Erion Reka nga Ferizaj, thonë se organizime të tilla sportive i mbajnë lojtarët aktiv dhe janë aktivitete të mirëserdhura .

“Është organizim shumë i mirë, është shumë kënaqësi, unë luaj që 6 vite, dhe më pëlqen shumë ky sport. Ping- Pongu lyp shumë strategji dhe është pak i vështirë, por unë nuk e kam problem“, tha Domaniku.
“Kampi është shumë i mirë, tani në tetor e kemi top 8-në dhe jemi duke u pregaditur, shpresoj që të renditem prap në top listë“,- tha Reka.

Kampi i dytë veror që po mbahet në shkollën “Tefik Çanga” në Ferizaj, është organizuar nga FPPK , dhe do të zgjasë deri me 31 gusht.

Ferizaj

Arrestohen dy persona në Ferizaj për posedim të kokainës

Published

3 days ago

26 May, 2026

Redaksia

Policia në Ferizaj ka arrestuar dy persona të dyshuar për posedim të kokainës.

Në raportin 24 orësh të policisë bëhet e ditur se gjatë kontrollit të veturës në të cilën ishin të dyshuarit, janë gjetur 5.79 gramë kokainë, kurse më pas, gjatë kontrollit në shtëpinë e njërit prej tyre, janë gjetur dhe konfiskuar edhe 26.09 gramë të tjera të kësaj substance narkotike.

Rasti raportohet të ketë ndodhur të hënën mbrëma, më 25.05.2026, rreth orës 21:30 në rrugën “Besim Rexhepi” në Ferizaj.

Me vendim të prokurorit të dyshuarit janë dërguar në mbajtje.

Ferizaj

Aktakuzë ndaj tre të dyshuarve për mashtrim me kriptovaluta në Ferizaj

Published

1 week ago

22 May, 2026

Redaksia

Prokuroria Themelore në Ferizaj, Departamenti i Përgjithshëm, ka ngritur aktakuzë kundër të pandehurve me inicialet: A.L., R.J. dhe V.N., për shkak të dyshimit në bashkëkryerje kanë kryer veprën penale”Mashtrimi” sipas Kodit Penal të Republikës së Kosovës

Të pandehurit dyshohen se më 17 Prill 2026, në Ferizaj, rruga, “Cen Dugolli” me dashje dhe në bashkëveprim, me anë të paraqitjes së rreme të fakteve dhe duke përdor emra të rreme, i vënë në lajthitje të dëmtuarit E.F., A.F., dhe Rr.K, duke ua marrë 12,000 euro si kundërpagesë për kriptovaluta të llojit USDT të cilat do t’ua transferonin përmes portofolit digjital “wallet”.

Pasi të dëmtuarve ua marrin shumën prej 12 mijë eurove, të pandehurit i fusin paratë në një çantë të gjelbër dhe i vendosin në një dollap brenda lokalit të cilin e kishin marrë me qira. Ata kishin hapur një vrimë në pjesën e pasme të dollapit, nga ku i morën paratë pa u vërejtur dhe u larguan në drejtim të panjohur.

Pas hetimeve, u zbulua se të dyshuarit e njëjtë, duke përdorur të njëjtën skemë, kishin organizuar një transaksion fiktiv në rrugën “Ismail Reka” në Kaçanik. Edhe aty kishin siguruar një lokal me qira për t’u takuar me persona të interesuar, të cilëve u kishin ofruar transferimin e USDT-ve në vlerë prej 50 mijë Euro.

Aktakuza ngarkon gjithashtu dy nga të pandehurit, A.L. dhe R.J., për një rast të ndodhur më 18 Gusht 2024 në rrugën “Agim Prodani” në Ferizaj ku të dëmtuarit G.A. ia kishin marrë me mashtrim 2 mijë euro duke i premtuar transferimin e kriptovalutave në portofolin e tij. Me të marrë paratë nga viktima, dy të pandehurit largohen me vrap në drejtim të panjohur.

Për të gjitha këto veprime, tre të pandehurit akuzohen për veprën penale “Mashtrimi” nga neni 323 paragrafi 1, lidhur me nenin 31 të Kodit Penal të Republikës së Kosovës.

“Prokurori i çështjes, me rastin e ngritjes së aktakuzës, i ka propozuar Gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur të shpallen fajtor për veprën penale për të cilën akuzohen dhe të dënohen sipas ligjit”, thuhet mes tjerash në njoftimin e Prokurorisë Themelore të Ferizajt.

Ferizaj

Punëtori që ra nga kulmi i një objekti në Babush u dërgua në QKUK

Published

1 week ago

21 May, 2026

Redaksia

Një 27-vjeçar ka pësuar lëndime të rënda trupore pasi ka rënë nga kulmi i një objekti në fshatin Babush, në magjistralen Ferizaj-Prishtinë.

Në raportin 24 orësh të policisë bëhet e ditur se rasti u raportua të mërkurën, 20.05.2026 rreth orës 15:00.

“Është raportuar se viktima )mashkull kosovar) derisa kishte qenë duke punuar në kulmin e një objekti ishte rrëzuar dhe kishte pësuar lëndime trupore. Viktima fillimisht është dërguar në emergjencën e Ferizajt, por për shkak të gjendjes së rëndë shëndetësore është dërguar në QKUK” thuhet në njoftim.

Në vendin e ngjarjes kanë dalë njësitë relevante të policisë dhe inspektorët e punës derisa rasti është cilësuar si “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.