Ferizaj

PAI mban tubim elektoral në Ferizaj

Published

5 years ago

03 October, 2019

Partia e Ashkalinjve për Integrim në Ferizaj, ka mbajtur tubim zgjedhor me simpatizantët e saj në këtë qytet.

Kryetari i PAI-së Etem Arifi, i bëri thirrje këtij komuniteti që të dalin masovisht në zgjedhjet e 6 tetorit, duke thënë se vota e tyre do të ketë rëndësi të madhe në përmirësimin e kushteve të ashkalinjve.

Kurse, Qazim Rrahmani, kryetar i degës së PAI-së në Ferizaj dhe kandidat për deputet nga ky subjekt politik, tha se PAI është zgjedhja më e mirë për qytetarët e këtij komuniteti, pasi në programin e saj prioritet ka arsimin dhe punësimin.

Rrahmani, duke u kërkuar simpatizantëve që të mos bien pre e manipulimeve, drejtoi akuza të shumta ndaj rivalit të tij politik, Danush Ademit. Ai madje pati edhe një kërkesë interesante.

“I kërkoj QKMF-së që ta përgatitë një autoambulancë, le ta le hazër sepse komsionerët tanë kur të na japin lajmin se PAI në Ferizaj ka mbi 1000 vota Danushi shkon në spital”, tha Rrahmani.

Në këtë tubim u prezantuan kandidatët për deputetë të Kuvendit të Kosovës nga PAI, si Qazim Rrahmani, Afrim Misini, Hafize Hajdini, Violeta Haniqi dhe Jeton Emini.

Ferizaj

Arrestohet një ish zyrtar i gjendjes civile në Ferizaj

Published

1 day ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.

Ferizaj

Arrestohet ferizajasi pasi kanosi një grua përmes rrjeteve sociale

Published

2 days ago

23 April, 2024

Redaksia

Një person është arrestuar nga Policia në Ferizaj, pasi i njëjti ka kanosur përmes rrjeteve sociale viktimën femër me të cilën kishte bashkëjetuar.

Rasti ka ndodhur të dielën rreth orës 10:00, njofton Policia e Kosovës.

Me vendim të prokurorit i dyshuari pas intervistimit është dërguar në mbajtje.

“Viktima femër kosovare ka njoftuar se përmes rrjeteve sociale, ishte kanosur nga i dyshuari mashkull kosovar me të cilin kishte bashkëjetuar. Me vendim të prokurorit i dyshuari pas intervistimit është dërguar në mbajtje”, shkruhet në raportin 24 orësh të Policisë së Kosovës.

Ferizaj

Arrestohet një person në Ferizaj – Policia i gjen 343 gram marihuanë në shtëpinë e tij

Published

2 days ago

23 April, 2024

Redaksia

Policia në Ferizaj të hënën ka arrestuar një person, pasi të njëjtit gjatë kontrollit në shtëpinë e tij i është gjetur dhe konfiskuar 343 gramë substancë narkotike e llojit marihuanë.

Siç bëhet e ditur në raportin e Policisë së Kosovës, me vendin të prokurorit i dyshuari pas intervistimit është dërguar në mbajtje.

“Është arrestuar i dyshuari mashkull kosovar, pasi që gjatë kontrollit në shtëpinë e tij janë gjetur dhe konfiskuar 343 gramë substancë e dyshuar narkotike e llojit marihuanë. Me vendim të prokurorit i dyshuari pas intervistimit është dërguar në mbajtje”, njofton Policia e Kosovës.