Ferizaj

LDK e Ferizajt pa përfaqësim në Kuvendin e Kosovës

Published

7 years ago

08 November, 2019

Zgjedhjet e 6 tetorit e renditën LDK-në si partinë e dytë në nivel vendi, por jo kënaqshëm doli kjo parti edhe në Ferizaj. Nga dega e këtushme ky subjekt nuk do ta ketë asnjë deputet në Kuvendin e Kosovës. Sahit Krasniqi, ish-anëtar i kësaj partie, tregon arsyet që, sipas tij, sollën këtë rezultat.

“Problemi është te Muharrem Svarqa, të gjithë e dimë që ka qenë kryetar komune dhe i ka humbur zgjedhjet nacionale në vitin 2017, pastaj edhe zgjedhjet lokale kur ka qenë kryetar dhe kjo ka ndikuar. Adem Salihaj është demodu pasi që 20 vite sillet e pështillet emri i tij. Kemi pasur emra të rinj në lista, por më vjen keq të them por jo gjithkush mund të bëhet deputet, jo vetëm pse e ka një kravatë ose i ka kreh flokët dhe tash mund të jetë deputet. Deputet mund të jetë dikush që ka krijuar një bagazh dhe që e njeh qyteti, këtu ka ndodh që ka pas njerëz që kurrë s’kanë qenë në LDK dhe kjo ka reflektuar. Megjithatë, LDK që konsiderohet si dega e dytë në Kosovë nga elektorati dhe në Ferizaj as në 2017 as tani besoj që është një hendikep i madh dhe besoj se LDK duhet të bëj diçka të dalë nga ky qorrsokak pasi zgjedhjet lokale i kemi shumë shpejt”, tha Krasniqi.

Në anën tjetër, kryetari i LDK-së në Ferizaj Muharrem Svarqa, që ishte edhe kandidat për deputet, thotë se ata më shumë u angazhuan për t’i sjellur vota partisë sesa vetës.

“Ne kësaj radhe kemi pasur një praktikë e cila nuk ka qenë e njohur deri më tani në degën e Ferizajt, pasi asnjëherë më parë LDK në Ferizaj nuk i ka pasur 7 kandidatë, por realisht ne nuk e kemi mbyllur territorin gjeografik të degës së LDK-së vetëm për votën e kandidatëve të saj, pasi qëllimi ynë ka qenë të ruajmë votën e LDK-së dhe fati i LDK-së ka qenë mbi fatin e individëve që kanë qenë, do të thotë, interesat individuale të kandidatëve për deputetë kanë qenë minore në raport me interesin e degës. Megjithatë, LDK e Ferizajt do të jetë e përfaqësuar në Kuvend, sepse ne kemi një kandidate për deputete e cila është në pritje, po ashtu ka mundësi që të ketë edhe ndonjë tjetër, megjithatë nuk është vetëm legjislativi vendi i përfaqësimit të LDK-së, unë besoj se konform fuqisë politike që ka do të jetë e përfaqësuar edhe në nivele të tjera ekzekutive”, tha Svarqa.

Krasniqi, thotë se LDK e Ferizaj ka nevojë për rifreskim.

“Unë dhe disa të tjerë që në një mënyrë kemi qenë të përjashtuar nga procesi brenda LDK-së, ne jemi në LDK-kontribuojmë për të, e kemi votuar LDK-në dhe do ta votojmë sa herë të ketë zgjedhje, por do të shohim emrat konkret, nuk do të japim votë aty ku nuk meritohet. LDK në Ferizaj duhet të kthjellet nëse dëshiron me iu qëndru në ballë oponentëve politik ose nëse dëshiron me udhëheq ndonjëherë me Ferizajn”, shprehet Sahit Krasniqi.

Kurse, Muharrem Svarqa thekson se do të punojnë në faktorizimin e mëtejmë të LDK-së në këtë qytet.

“Ne gjithçka që shohim duhet shikuar përpara, ne nuk mund të mbesim peng i së kaluarës, ne duhet të punojmë për forcimin e mëtejmë të LDK-së, unë besoj se faktorizimi i mëtejmë i Ferizajt do të jetë një nga prioritetet edhe të forcimit të degës së LDK-së edhe përmes formave të tjera të ristrukturimit dhe riorganizimit të mëtejmë, ne do të përgatitemi për zgjedhjet lokale menjëherë pas konstituimit të organeve ekzekutive të Kosovës”, tha Svarqa.

Në zgjedhjet e 6 tetorit, LDK në Ferizaj u radhit e treta me 12.865 vota.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar