Ferizaj

Federata Botërore e Karatesë akrediton 3 trajnerë ferizajas

Published

7 years ago

11 November, 2019

Federata Botërore e Karatesë ka akredituar tre trajnerë karateistë nga qyteti i Ferizajt, në mesin e shumë trajnerëve nga vende të ndryshme të botës.

Njëri nga ta është Qëndrim Shaqiri nga klubi i karatesë “Sharri” nga Ferizaj. Shaqiri, thotë se kjo certifikatë do t’i mundësoj që të jetë pranë garuesve të tij kur marrin pjesë në garat botërore.

”Është hera e dytë në Ferizaj që vie pasi në 2018 kryetrajneri i klubit tonë është Shemsi Shaqiri është akredituar nga kjo federatë botërore. Është një periudhë që shkon hap pas hapi për me u ngrit në anën profesionale, por edhe teknike. Ky akreditim është primar dhe kryesore pasi unë tani kam të drejtë që me garues të mi të jem prapa tyre në arenat ndërkombëtare e botërore. Tani jemi duke u përgatitë për kampionatin botëror në Slloveni dhe liga e të rinjve në Itali, me këtë akreditim tani unë kam të drejtë të jem prezent vet dhe të jem i ulur prapa në karrige me garuesit e mi, kjo është mundësia, që është hera e parë që bëhet për mua”, tha Shaqiri.

Një tjetër trajner që është pajisur me një certifikatë të tillë nga Federata Botërore e Karatesë është Raif Musa, trajner i klubit të karatesë “Kastrioti”. Edhe Musa thotë se ky akreditim është një sukses në vete.

“Në qershor të këtij viti ne kemi prezantuar në Umag ku ka qenë kupa botërore njëkohësisht ka qenë edhe mundësia me hy në test për me u akreditu nga FBK- ja në cilësinë e trajnerëve, aty e kemi shfrytëzuar rastin përveç garave edhe jemi akredituar, kurse tani na kanë ardhur certifikatat, është një arritje personale, por edhe për gjenerata e reja pasi ne i arrijmë këto për ta dhe shpresoj që në të ardhmen edhe gjeneratat e reja me arrit njëjtë. Unë falënderoj Federatën që na e ka mundësuar këtë“, tha Musa.

Përveç Shaqirit e Musës, Federata Botëore e Karatesë ka akredituar edhe trajnerin Halil Mahalla nga klubi i karatesë “Kastrioti”.

Në listën e Federatës Botërore të Karatesë gjenden rreth 30 trajnerë nga Kosova që janë të akredituar nga kjo federatë.

Ferizaj

Ndahet nga jeta veterani i UÇK-së, Avdi H. Ahmeti

Published

5 days ago

03 November, 2026

Redaksia

Është ndarë nga jeta Veterani i Ushtrisë Çlirimtare të Kosovës, Avdi H. Ahmeti nga Ferizaj.

Njoftimi mortor u bë i ditur nga Organizata e Veteranëve të Luftës së UÇK-së, dega në Ferizaj.

Sipas njoftimit, varrimi i të ndjerit do të bëhet të mërkurën, më 04.11.2026 ora 14:15 në varrezat e lagjes Karametaj, të fshatit Greme të Ferizajt.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 weeks ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

4 weeks ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.