Ferizaj

Vjedhja e kapakëve të pusetave shqetëson qytetarët

Published

6 years ago

08 November, 2019

Ka kohë që pusetave në fshatin Pleshinë dhe Dubravë të komunës së Ferizajt, iu mungojnë kapakët. Për të minimizuar rrezikun, banorët e këtushëm janë detyruar që aty të vendosin goma të makinës për alarmim të rrezikut. Banorët thonë se kjo gjë paraqet rrezik, mirëpo për rregullimin e saj nuk po brengoset askush.

“Problemi nuk është aq i madh, por edhe i vogël nuk është, sepse është problem për ta parë, mundet ndokush të ketë pasoja aty. Ata që janë kompetentë, kryetari i fshatit duhet të merret me këtë, por nuk merret, nuk janë duke punuar. Ka mundur ta marrë ndokush kapakun e pusetit, ta shes për hekura, por tash ku e dimë, nuk e dimë kush e ka vendosur gomën vetëm e shoh këtu, nganjëherë nuk është po nuk di gjë”, tha Ali Mustafa.

“Kapakun e ka vjedhur ndokush aty dhe tash ka mbetur ashtu, nuk mund të merr askush përgjegjësi vetëm nëse ndokush e rregullon vet. Ka dy muaj që është kështu përafërsisht”, u shpreh Ilmi Karaliu.

“Kësaj pusete ia vodhën kapakun dhe askush më nuk është interesuar ta kap grabitësin apo të zëvendësohet. Edhe po mbyllet ai gypi sepse kapaku nuk është, po hedhin gjithçka”, tha Muhamet Bakolli.

Televizioni Tema ka kontaktuar me drejtorin e Shërbimeve Publike dhe Emergjencave në Ferizaj, Arben Halili, i cili përmes një mesazhi elektronik tha se ”pusetat janë probleme të përditshme si rezultat edhe i dëmtimeve dhe i vjedhjeve të kapakëve edhe problemeve tjera që janë trashëguar gjatë punimeve të pusetave, gjatë instalimeve të kanalizimeve si gjatë asfaltimit të rrugëve”.

Megjithatë, ai nuk theksoi se a do të merren masa për këtë problem.

Ferizaj

Sekuestrohet një revole me municion dhe shurdhues në Ferizaj

Published

18 hours ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.

Ferizaj

Prokuroria e Ferizajt ndalon dy persona të dyshuar për keqpërdorim të detyrës zyrtare

Published

7 days ago

28 April, 2026

Redaksia

Prokuroria Themelore në Ferizaj ka njoftuar se me vendim të Prokurorit të Shtetit nga Departamenti i Krimeve të Rënda, janë ndaluar për 48 orë dy persona të dyshuar për përfshirje në vepra të ndryshme penale.

Sipas njoftimit zyrtar, njëri nga të ndaluarit është noter në komunën e Ferizajt, i dyshuar për veprën penale “Keqpërdorimi i pozitës apo autoritetit zyrtar”, e paraparë në nenin 414 të Kodit Penal të Republikës së Kosovës.

Derisa i ndaluari i dytë dyshohet për veprën penale “Blerja, pranimi ose fshehja e sendeve të përfituara me kryerjen e veprës penale”, sipas nenit 333 të Kodit Penal.

Ndalimi i tyre është rezultat i vazhdimit të hetimeve që ndërlidhen me një rast më të hershëm, gjatë të cilit Prokuroria Themelore në Ferizaj kishte ndaluar edhe tre, të dyshuar të tjerë për keqpërdorim të detyrës zyrtare.

Ferizaj

Ferizaj: Konfiskohen rreth 780 gram drogë dhe arrestohen dy të dyshuar për manipulim të provave

Published

2 weeks ago

24 April, 2026

Redaksia

Policia në Ferizaj ka arrestuar dy persona të dyshuar për veprën penale “Manipulim i provave” që ka të bëjë me rastin e një dite më parë (22.04.2026), kur ishte arrestuar një i dyshuar, pasi në veturën e tij u gjetën tri qese me narkotikë të llojit marihuanë me peshë rreth 15.57 gram.

Në raportin shtesë të policisë bëhet e ditur se lidhur me rastin paraprak “njësitet policore gjatë kontrollit si prova materiale kanë gjetur dhe konfiskuar 778.3 gramë substancë e dyshuar narkotike të llojit marihuanë dhe një peshore digjitale. “

Rasti raportohet të ketë ndodhur të mërkurën mbrëma, rreth orës 21:00, në rrugën “Rifat Berisha” në Ferizaj.

Me vendim të prokurorit, dy të dyshuarit pas intervistimit janë dërguar në mbajtje.