Ferizaj

Përurohet qendra e mjekësisë familjare në Nerodime

Published

7 years ago

05 December, 2019

Fshati Nerodime i komunës së Ferizajt u bë me qendër të re të mjekësisë familjare. Nga sot banorët e Nerodimes së Ulët dhe të Epërme, Manastircit, Jezercit dhe Balajve do të kenë mundësi që shërbimet mjekësore t’i marrin në kushte më të mira. Drejtori i Shëndetësisë në Ferizaj, Bekim Ademi, tha se me këtë qendër të re banorëve të kësaj zone do t’iu ofrohen shërbime më cilësore.

“Do të jetë një qendër jashtëzakonisht funksionale për arsye se po synojmë që përpos mjekut dhe infermierëve, në kuadër të kësaj qendre të jenë edhe stomatologu, laboranti, me çka qytetarët e kësaj ane më nuk do të kenë nevojë të vijnë në Ferizaj për një intervenim të vogël qoftë stomatologjik apo ndonjë analizë të thjeshtë me çka do të zgjidhim një problem edhe me shkarkimin e qendrës kryesore familjare për arsye se këta qytetarë familjarë shumicën e shërbimeve i kanë kryer në kuadër të QKMF-së, ndërsa me hapjen e kësaj qendre më nuk do të kenë nevojë edhe të udhëtojnë me kilometra, por edhe shërbimet do t’i kenë më afër lokalitetit ku jetojnë”, tha Bekim Ademi.

Drejtoresha e Qendrës Kryesore të Mjekësisë Familjare në Ferizaj, Nadire Ymeri, tha se shërbimet mjekësore që do të ofrohen në këtë qendër do të jenë pothuajse të njëjta me ato që ofrohen nëpër qendrat e mjekësisë familjare në Ferizaj.

“Këtu do të kryhen vizita mjekësore, vizita stomatologjike, do të funksionojë laboratori, për fillim do të bëhet analiza e sentimentit, hemogramit dhe urina. Së shpejti do të furnizohemi edhe me reagenca të tjerë për të bërë analiza të tjera shtesë. Pastaj kemi barnatoren, që është e furnizuar me barna nga Ministria e Shëndetësisë, sikur qendrat e tjera të mjekësisë familjare që janë të furnizuara me barna të tilla edhe këtu do të ketë dhe sigurisht shërbimet infermierike”, tregoi Nadire Ymeri.

Ndërkaq, Xhevdet Haxhidema doktor në QKMF, si sfidë në funksionalizimin e qendrave mjekësore nëpër fshatra përmendi mungesën e stafit mjekësor.

“Si në të gjitha QKMF-të vështirësitë e funksionalizimit dihen për shkak të mungesës së stafit, por megjithatë sa i përket këtij problemi për momentin e kemi zgjidhur, mjeku do të punoj për çdo ditë, kjo është dita e parë që është hapur qendra edhe dita e parë që ka filluar doktoresha Blerina Halili”, tha Xhevdet Haxhidema.

Ndërsa, banorë të kësaj ane u shprehën të kënaqur me hapjen e kësaj qendre të mjekësisë familjare, duke kërkuar nga stafi mjekësor të mbajnë përgjegjësi mjekësore ndaj tyre.

“Thotë një fjalë popullore “me bë e bënë, por për t’a mbajtur është vështirë”, e kështu i lutem stafit mjekësor dhe kryetarit e të gjithëve që këtu mjeku kryesor të jetë kujdestar, të ketë barnatore, të jetë motra medicionale non-stop, e jo të vijmë ne këtu tek mjeku ndërsa ilaçet të shkojmë t’i marrim në Ferizaj por këtu kam dëshirë në barnatore, me motër medicionale, me kujdestar gjithnjë me qenë”, u shpreh Haki Kashtanjeva.

Kjo qendër e mjekësisë familjare ka kushtuar rreth 130 mijë euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

4 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

5 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar