Ferizaj

Salla e operacioneve të kirurgjisë jashtë funksionit që nga e shtuna

Published

8 years ago

08 May, 2018

Salla e operacioneve në repartin e Kirurgjisë të Spitalit Rajonal të Ferizajt, është jashtë funksionit që nga e shtuna, për shkak se shiu që ra atë ditë depërtoi në këtë sallë dhe dëmtoi mjetet që ndodhshin aty.

Kryeinfermieri i anestezionit në këtë repart Enis Shabani, tha se dëmet që janë shkaktuar në Spital nga reshjet e shiut janë shumë të mëdha.

“Si pasojë e të reshurave pullazi i spitalit nuk ka mundur t’i rezistoj, dëmet janë tepër të konsiderueshme, vërshimet kanë përfshi dy depot tona kryesore të bllokut operativ atë të kirurgjisë dhe anestezionit, ka dëmtuar një numër të madh të materialit të përdorshëm që lidhet direkt me pacientin dhe nuk mundemi të konstatojmë që është apo jo steril për shkak të kontaminimit me ujin dhe kjo lidhet drejtpërdrejt me punën e bllokut operativ, por ajo që e bllokon punën më së tepërmi është pjesa e sterilizimit edhe aty është futur uji edhe në bllokun operativ dhe kështu që presim të vijnë ekipet e specializuara ta shohin se aparatura e sterilizimit nuk është në kontakt me rrymën pasi është pjesë vitale ku pa sterilimin e materialit medicional nuk mundemi të hymë në sallë dhe pa dezinfektimin e sallës dhe pastrimin total të bllokut të sallës nuk mundemi të bëjmë intervenim”, tha Shabani.

Për të vlerësuar dëmet që janë shkaktuar në Spitalin Rajonal të Ferizajt, tashmë është formuar një komision.

“Jemi në fazën fillestare të vlerësimit të dëmeve të shkaktuara më datën 5 maj, shpresoj se shumë shpejtë do të dalim me një raport dhe të dimë gjendjen përfundimtare se si është puna, por vërehen dëmtime nga lagështia, sidomos e pjesës së sipërme të objektit”, tha Hajriz Tahiri, kryetar i komisionit mbikëqyrës.

Kurse, drejtori i Spitalit të Ferizajt Bejtush Jaha, tha se gjendja e krijuar këto ditë në këtë institucion flet më së miri për nevojën urgjente të ndërtimit të spitalit të ri.

“Është një spital i vjetër, objekt i vjetër me improvizime, prandaj është nevojë e ka hershme e Ferizajt të ketë një spital të ri, unë po shpresoj dhe besoj që brenda një periudhe të shkurt të filloj ndërtimi i një spitali të ri, pasi kjo gjendje që është krijuar është një apel edhe për nivelin e lartë që sa më shpejt të fillojnë procedurat për fillimin e ndërtimit të spitalit të ri”,tha Jaha.

Përveç repartit të Kirurgjisë nga reshjet e shiut janë shkaktuar dëme edhe tek reparti i Gjinekologjisë, ndërsa sipas drejtuesve të këtij institucioni, vlera e dëmit të shkaktuar është përafërsisht rreth 3 mijë euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

2 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

3 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

6 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar