Ferizaj

Shënohet Dita e Mjedisit në Ferizaj

Published

8 years ago

05 June, 2018

Ikën nga zyrat për t’ia kushtuar një gjysmë ore ambientit. Kryetari i Ferizajt bashkë me ekipin e tij qeverisës mbollën disa drunj dekorativ afër bibliotekës së qytetit, me ç’rast e shënuan Ditën Botërore të Mjedisit. Edhe sot në këtë ditë ku si rëndom krerët e institucioneve dalin e mbjellin lule, kryetari Aliu përsëriti premtimin e tij që qeverisja aktuale një rëndësi të veçantë do t’ia kushtoj mjedisit, madje shtoi se për hapësirën gjelbëruese ky pushtet do të kujdeset 365 ditë.

“Pra kjo është platforma ime qeverisëse dhe ky është përkushtimi jonë permanent që ne të jemi të kujdesshëm në politikat mjedisore dhe jo vetëm të krijojmë hapësira të pastra dhe hapësira të gjelbra, por çdo ditë e më shumë duke parë këtë vullnet të të rinjve do ta ndryshojmë Ferizajn dhe Kosovën në mënyrë që të jetojmë në një ambient të pastër. Ne mund të jetojmë në një ambient të gjelbër vetëm me një unitet, sepse përndryshe pushteti nuk mund të ketë kujdes pa ndihmën e qytetarëve”, tha Aliu.

Ndërkaq, përfaqësues të organizatës “Let’s Do it Kosova” shprehën lëvdata për komunën e Ferizajt, e cila sipas tyre, ka një angazhim serioz në mirëmbajtjen e hapësirave publike.

“Përgëzoj kryetarin dhe të gjithë qytetarët e Ferizajt dhe ata që kontribuojnë për një ambient të pastër, sepse kjo është fotografia jonë në raport me botën dhe ata që na vizitojnë, andaj inkurajojmë që ditë të tilla mos të ngelen vetëm në dy gjatë vitit, por gjatë gjithë vitit. Gjendja në Kosovë është në përmirësim e tutje falë angazhimit të shoqërisë, por mbetet akoma shumë për të bërë’’, tha Besarta Gashi nga kjo organizatë.

Drejtues të pushtetit lokal paralajmëruan se së shpejti do të ndihmohen ndërmarrjet që merren me pastrimin e qytetit nga fondi prej rreth 600 mijë euro i cili u fitua nga Ministria e Mjedisit dhe qeveria gjermane.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

5 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.