Ferizaj

Vazhdojnë kundërshtimet për ndërtimet e larta në rrugën ‘’Astrit Bytyqi’’

Published

8 years ago

07 June, 2018

Disa banorë të rrugës “Astrit Bytyqi” dhe “7 Shtatori” në Ferizaj, kanë shprehur pakënaqësi për fillimin e punimeve të një objekti shumëkatësh në këtë lagje, e cila deri para miratimit të Planit Zhvillimor Komunal ishte ndërtim i ulët.

Ata thonë se në këtë lokalitet nuk ekzistojnë kushtet e nevojshme për ndërtime të larta, pasi sipas tyre, infrastruktura nëntokësore nuk është e paraparë për këso ndërtimesh.

“Jemi të shqetësuar se kjo pjesë nuk ka qenë ndërtim i lartë, nuk e di se kah i kanë marr lejet e ndërtimit, tash problem është që bllokohet kanalizimi, pamja, ka zhurmë, madje kanë filluar edhe presionet tek banorët për me i shitë dhe me i largu, jemi të shqetësuar u jemi drejtuar edhe me peticione por na është refuzuar pas asnjë bazë, unë nuk e di se kah është duke shkuar ky shtet, qyteti i Ferizajt është duke u degraduar, ne do të vazhdojmë me kundërshtu në mënyrë ligjore, por nëse nuk ka efekt do të dalim t’i bllokojmë këto punime”, tha Arsim Gashi, banor i rrugës “Astrit Bytyqi”.

“Na pengon se i kemi shtëpitë këtu, unë kam punu 26 vjet jashtë për këtë shtëpi me ndërtu e tash ta shkatërroj pasurinë që e kam ndërtu për një banesë, nuk e di se si u bë ai ligj askush nuk u kanë i pajtimit, por i kanë interesat e veta me ble me shitë banesa, unë nuk e di se si bëhet kjo punë, unë nuk jam i pajtimit për këtë që po bëhet”, tha Basri Krasniqi.

Derisa banorët kundërshtojnë, punimet për ndërtimin e shumëkatëshes po vazhdojnë me leje të Drejtorisë së Urbanizmit. Drejtori i kësaj drejtorie Lulzim Aliu, tha se në këtë mënyrë komuna është duke i zbatuar vetëm ligjet në fuqi.

“Në rrugën “Astrit Bytyqi” që është shumë problematike unë shfrytëzoj rastin publikisht t’iu kërkoj falje gjithë banorëve të cilët kanë pasur mendim e kërkesë tjetër për atë zonë, ju kërkoj falje, por unë jam i obliguar me respektu ligjin dhe ligji në këtë rast për një numër të tyre është i disfavorshëm, është edhe me pasoja në kuptimin shpirtëror, pasi kanë planifikuar dhe kanë menduar se ajo zonë ka me qenë ndërtim i ulët dhe kanë me pas një jetë më të qetë, por ligji i ndërtimit është në fuqi, po ashtu udhëzimet administrative pastaj që e rregullojnë se çfarë lloj ndërtime dhe si mund të ndërtohet janë në fuqi, unë ju garantoj që nuk ka shkelje ligjore, ndërsa a jam i kënaqur, a pajtona me ligjin që është në fuqi dhe po duhet me zbatu në këtë rast them që jo nuk jam i kënaqur”, tha Aliu.

Aliu thotë se për këtë çështje komuna nuk ka pasur zgjidhje tjetër, meqë ndërtuesi posedon lejen për ndërtim që 3 vjet.

“Unë mund të vonohem e të kthej përgjigje negative, por komuna ka me qenë para sfidave të gjykatave siç ka qenë deri tash, edhe atëherë kur është dhënë leja dhe mandej është pezulluar, pala që sot e ka marrë lejen e ka paditë komunën për humbjet që ia ka shkaktuar në këtë periudhë 3 vjeçare që nuk e ka leju me zbatu lejen e ndërtimit, është situatë e rëndë për ata banorë, por është situatë e qartë ligjore, është me ligj dhe nuk është bërë asnjë shkelje e procedurave të ligjit”, tha Aliu.

Kundërshtimin e tyre për shndërrimin e kësaj zone nga ndërtimi i ulët në ndërtim të lartë, banorët e rrugës ‘’Astrit Bytyqi’’ e kishin shprehur edhe përmes një peticioni, por i cili nuk ishte marrë parasysh me arsyetimin se disa banorë të tjerë të po asaj lagjeje ishin pro ndërtimeve të larta, e që pikërisht për këtë u ngrit aktakuzë ndaj ish-drejtorit të Urbanizmit Faik Grainca dhe dy personave të tjerë për falsifikim të atij dokumenti.

Banorët e kësaj lagjeje u shprehën se kësaj beteje për t’i mbrojtur të drejtat e tyre pronësore, do t’i shkojnë deri në fund.

Ferizaj

Lëndohen tre policë gjatë arrestimit të sulmuesit 16 vjeç në Ferizaj

Published

23 hours ago

10 July, 2026

Redaksia

Policia e Kosovës ka njoftuar se gjatë arrestimit të të miturit me inicialet P.GJ (16 vjeç), i dyshuar për therje të dy personave mëngjesin e sotëm në Ferizaj, janë lënduar tre zyrtarë policor ku njëri prej tyre është goditur me thikë në pjesën e qafës.

Sipas policisë, pas kontrollit ë banesën e të dyshuarit dhe më pas në një adresë në fshatin Greme, policia ka arritur ta lokalizojë atë.

“Me të arritur në vendngjarje, i dyshuari ka refuzuar t’u bindet urdhrave policorë, duke mbajtur një thikë në dorë, ka sulmuar zyrtarët policorë me gurë dhe mjete të forta, si dhe është vërsulur ndaj tyre me thikë.

Gjatë ndërhyrjes, nëna e tij ka penguar zyrtarët policorë në kryerjen e detyrës zyrtare.

Në një moment, i dyshuari ka marrë një shishe me benzinë dhe ia ka hedhur vetes mbi trup, duke vazhduar t’i kërcënojë policët me thikë dhe duke mos lejuar afrimin e tyre.

Gjatë përpjekjeve për vënien e tij nën kontroll, tre zyrtarë policorë kanë pësuar lëndime, ndërsa njëri prej tyre është goditur me thikë në pjesën e qafës.

Pas ndërhyrjes policore, i dyshuari me inicialet P.GJ (16 vjeç) është vënë nën kontroll dhe është arrestuar së bashku me nënën e tij D.GJ (47 vjeçe).

Gjithashtu është sekuestruar edhe thika, e cila dyshohet se është përdorur në sulmin ndaj qytetarëve”, ka njoftuar policia.

Në përditësimin e fundit, thuhet se në sulmin që ndodhi rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, mbetën të plagosur dy qytetarë, të cilët u dërguan për trajtim mjekësor në Spitalin e Ferizajt.

Njëri nga të plagosurit, I.M. 81 vjeç, ishte therur në fytyrë dhe në gjymtyrë, ndërsa i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor është liruar për në shtëpi.

Në njoftimin e Prokurorisë në Ferizaj, i dyshuari me vendim të Prokurorit të Shtetit është ndaluar në kohëzgjatje prej 24-orësh, për shkak të dyshimit se i njëjti ka kryer veprat penale “Sulmi ndaj personit zyrtar” dhe “Vrasja në tentativë”.

Ferizaj

Arrestohet i dyshuari për plagosjen e dy personave me thikë në Ferizaj

Published

1 day ago

10 July, 2026

Redaksia

Është ndaluar një person, i mitur, i dyshuar për rastin e sulmit dhe therjes me thikë të dy personave të tjerë, mëngjesin e sotëm në Ferizaj.

“Rasti ka ndodhur sot, më datën 10.07.2026, rreth orës 07:53, në rrugën ‘Dëshmorët e Kombit’, në afërsi të Postës Qendrore në Ferizaj, ku, sipas informatave fillestare, dyshohet se i mituri ka sulmuar me mjet të mprehtë (thikë) dy persona të tjerë” , njoftoi Prokuroria.

Të lënduarit janë dërguar për trajtim mjekësor në Emergjencën e Ferizajt.

Sipas informacioneve të fundit, njëri nga të plagosurit, I.M 81 vjeç, ka pësuar therje të rëndë në fytyrë dhe në gjymtyrë, ndërkaq i plagosuri tjetër, një zyrtar i degës së Postës së Kosovës në Ferizaj, pas trajtimit mjekësor në Emergjencën e Spitalit është liruar për në shtëpi.

Ferizaj

Arratiset i dyshuari për plagosje me thikë të dy personave në Ferizaj

Published

1 day ago

10 July, 2026

Redaksia

Një person dyshohet se ka sulmuar dhe therur me thikë dy të tjerë mëngjesin e sotëm afër objektit të postës qendrore në Ferizaj.

Të lënduarit janë dërguar për trajtim mjekësor në Emergjencën e Ferizajt, kurse i dyshuari është arratisur nga vendi i ngjarjes.

Policia bëri të ditur se është në kërkim intensiv për të dyshuarin dhe se po shikohen kamerat për të ndihmuar në identifikimin e të dyshuarit dhe sqarimin e rrethanave të rastit.

“Sot, rreth orës 07:50, kemi pranuar informatën se në rrugën “Dëshmorët e Kombit”, në afërsi të Postës Qendrore në Ferizaj, ka ndodhur një incident, ku një person dyshohet se ka sulmuar dy persona me mjet të mprehtë (thikë), të cilët janë transportuar për trajtim mjekësor në Emergjencën e Ferizajt, pasi kanë marrë ndihmën e parë në vendin e ngjarjes nga ekipet mjekësore. I dyshuari është larguar nga vendi i ngjarjes në drejtim të panjohur”, njoftoi Policia.