Ferizaj

Valon Ramadani zotohet për fuqizim të LVV-së në Ferizaj

Published

8 years ago

02 July, 2018

Valon Ramadani është zgjedhur kryetar i Lëvizjes Vetëvendosje në Ferizaj, pas një procesi zgjedhor të mbajtur brenda këtij subjekti politik. Ramadani i cili para dy vitesh nga Nisma për Kosovën kaloi në Vetëvendosje, ka marrë 200 vota më shumë se kundërkandidati i tij Enver Bajrami. Kryetari i ri i Vetëvendosjes në Ferizaj, tha se synon që këtë subjekt politik ta fuqizoj edhe më shumë.

“Ne kemi paraqitur një platformë tonën, ajo platformë është bazuar në tri pjesë, Lëvizja Vetëvendosje e profesionistëve ku të gjithë profesionistët që i kemi në Vetëvendosje do t’iu bashkohen edhe ata që deri sot nuk kanë qenë pjesë e Vetëvendosjes dhe ditëve në vazhdim do të jenë ata të cilët do të kontribuojnë që të jenë pjesë e ekipës që do t’i japim formë dhe të gjejmë ato gabime që i bënë pushteti aktual dhe jo vetëm të gjejmë gabime, por edhe të japim alternativa për çështje të caktuara, pika tjetër është strukturë e hapur dhe dinamike dhe pika e tretë është gruaja në Vetëvendosje, do ta faktorizojmë në mënyrën më të mirë të mundshme ku do të ketë forma të ndryshme ku gruaja do të jetë aktive në Vetëvendosje”, tha Ramadani.

Megjithatë, pakënaqësitë në këtë subjekt politik në Ferizaj veçse kanë filluar, menjëherë pas zgjedhjes së kryetarit të ri. Është aktivisti Behar Ibishi i cili ka vendosur të largohet nga kjo parti, edhe pse thotë se ka pesë vite që është pjesë e saj.

“Procesi zgjedhor nuk mund të them se ka shkuar keq, pasi është respektua parimi një anëtarë një votë, por anëtarët të cilët kanë ardhur mendoj se nuk janë në Vetëvendosje, mendoj anëtarët të cilët janë anëtarësuar dy javë para fillimit të fushatës, Vetëvendosjen e kam parë si shpresë, por edhe nga ajo jam dëshpëruar, sepse nuk ekziston fryma e njëjtë definitivisht”, tha Behar Ibishi.

Ramadani i cili është edhe deputet i Parlamentit të Kosovës nga radhët e Vetëvendosjes, do të jetë kryetar i kësaj partie në Ferizaj përgjatë katër viteve. U bë e ditur se në zgjedhjet për kryetar partie kanë votuar 1200 anëtarë të këtij subjekti.

Ferizaj

Siguria juaj fillon me zgjedhjen e duhur të sigurimit

Published

24 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

24 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.