Ferizaj

Për 6 muaj Inspektorati i Ferizaj shqiptoi 200 mijë euro gjoba

Published

8 years ago

05 July, 2018

Inspektorati komunal i Ferizajt paraqiti punën gjashtë mujore të tij, ku tregoi për aksionet që ka ndërmarrë gjatë kësaj periudhe. Kryeinspektori Ridvan Berisha, tha kanë zhvilluar 9 aksione të gjëra me qëllim të rritjes së kontrollit të produkteve që plasohen në treg, si dhe kushteve higjienike të objekteve të ndryshme. Ai njoftoi se në këta gjashtë muaj kanë shqiptuar gjoba në vlerë 200 mijë euro, 90 mijë prej të cilave tashmë i janë paguar komunës. Përveç gjobave, ndaj katër bizneseve ku janë konfiskuar produkte të prishura të mishit dhe qumështit, janë ngritur edhe kallëzime penale.

“Janë konfiskuar dhe asgjësuar 6 ton mish dhe nënprodukte të tij, 2 ton qumësht dhe nënprodukte të tij, heqja e 35 tezgave nga sheshi kryesor dhe ofrimi i alternativës 24 vende të lira, janë mbyllur 22 bastore dhe kazino, arsyeja e mbyllës një pjesë e tyre për mospagim të taksës komunale dhe pjesa tjetër për mosposedim të dokumenteve të nevojshme, janë mbyllur 12 lokale të natës, kemi inspektuar 46 shkolla për kushtet higjieno-sanitare dhe 20% e tyre nuk na kanë dalë mirë, kryesisht mirëmbajtësit nuk kanë qenë të kujdesshëm, është bërë heqja e panove reklamuese pa leje, janë inspektuar të gjitha kafeteritë për kushtet e vendosjes së verandave dhe është përcaktuar perimetri i njëjtë, lëngjet dhe perimet, kemi marrë masa ndaj të gjitha subjekteve ku i kemi këshilluar dhe urdhëruar në disa raste që mos t’i ekspozojnë në rreze të diellit produktet’’, tha Berisha.

Berisha shprehet i bindur që sheshi është liruar nga shitësit ambulantë, edhe pse të tillë shihen çdo ditë aty.

“Inspeksioni që 5 muajt e fundit është duke punuar edhe jashtë orarit të rregullt edhe fokus kryesor e kanë bulevardin, ne ju kemi ofruar atyre një alternativë përpos praktike, kryetari u ka premtuar atyre edhe nga tri vende të punës për familje, por ata janë duke tentuar të bëjnë një lloj bojkoti pa ndonjë arsye, sa i përket punës së sheshit bashkë me policinë këto dy javët e fundit janë duke u marr non-stop me bulevard dhe është i lirë bulevardi, praktikisht nuk janë duke operu në bulevard, janë disa që merren me telefona dhe në momentin që dalim ikin, kthehen, sa i përket CD tezgave statike ato nuk janë më në bulevard”, tha Berisha.

Berisha njoftoi se ditëve në vijim Inspektorati do të punoj në kontrollimin e ujit të pijshëm, barnatoreve dhe pishinave.

Ferizaj

Gjatë qershorit në Ferizaj janë konfiskuar 74 motoçikleta

Published

19 hours ago

02 July, 2026

Redaksia

Policia Rajonale e Ferizajt ka bërë të ditur se gjatë muajit qershor ka intensifikuar kontrollet në trafik ndaj drejtuesve të motoçikletave dhe skuterëve.

Si rezultat i këtyre kontrolleve, gjatë kësaj periudhe janë konfiskuar 74 motoçikleta, kryesisht për mungesë të dokumentacionit të rregullt derisa janë shqiptuar edhe 106 gjoba ndaj drejtuesve të motoçikletave, të cilët janë kapur duke qarkulluar në kundërshtim me rregullat dhe ligjet e komunikacionit rrugor.

Numri më i madh i gjobave janë shqiptuar për drejtim të motoçikletës pa patentë shofer, gjithsej 52 gjoba, 46 gjoba për drejtim të motoçikletës pa regjistrim dhe 8 gjoba për kundërvajtje të tjera.

Ferizaj

Prokuroria kërkon paraburgim ndaj të dyshuarës për vrasjen në Ferizaj

Published

4 days ago

29 June, 2026

Redaksia

Prokuroria Themelore në Ferizaj ka kërkuar nga Gjykata Themelore në Ferizaj, caktimin e masës së paraburgimit ndaj të pandehurës A.R., për shkak të dyshimit të veprës penale “Vrasja” sipas Kodit Penal të Republikës së Kosovës.

Sipas kërkesës së Prokurorisë, ekziston dyshimi i bazuar se me datë 28 Qershor 2026, rreth orës 22:40 në Ferizaj, rruga, “Sejdi Sejdiu”, e pandehura ka privuar nga jeta tani të ndjerin F.H., pas një mosmarrëveshje dhe përleshje fizike në mes tyre, me të cilën ka kryer veprën penale “Vrasja”, nga neni 172 të KPRK-së.

Ndërkaq, i dyshuari me iniciale M.B., që ishte ndaluar deri në sqarimin e plotë të rrethanave dhe përfshirjes së tij në rast, me aktvendim të Prokurorit të Shtetit është liruar.

Po ashtu, në këtë rast, lëndime trupore ka pësuar edhe e dyshuara A.R., të cilat dyshohet se i janë shkaktuar nga viktima- tani i ndjeri (F.H.,) për të cilat ka marr trajtim mjekësor në Qendrën Klinike Universitare të Kosovës (QKUK).

Ferizaj

Ndalohen dy persona për vrasjen e 32 vjeçarit në Ferizaj

Published

4 days ago

29 June, 2026

Redaksia

Policia e Kosovës ka dhënë detaje lidhur me vrasjen që ka ndodhur mbrëmë rreth orës 22:50, në një banesë në rrugën “Sejdi Sejdiu”në Ferizaj, ku një person ka humbur jetën dhe dy të tjerë janë ndaluar për 48 orë.

Viktima është identifikuar me inicialet F.H., 32 vjeç, ndërsa vdekja e tij është konstatuar në vendin e ngjarjes nga ekipi mjekësor.

“Gjatë ekzaminimit të vendit të ngjarjes është konstatuar një plagë që dyshohet se është shkaktuar nga arma e zjarrit. Në vendngjarje janë gjetur dhe sekuestruar një pistoletë dhe një gëzhojë.

Nga hetimet fillestare rezulton se ngjarja ka ndodhur në banesën e M.B. (48 vjeç), ku në momentin e incidentit ndodheshin aty bashkëshortja, si dhe vajza e tij A.R. (24 vjeçe). Kjo e fundit ka pësuar lëndime trupore dhe është dërguar për trajtim mjekësor në Qendrën Klinike Universitare të Kosovës (QKUK).

Pas ekzaminimit të vendit të ngjarjes, ekziston dyshimi i bazuar se rasti ndërlidhet me veprën penale “Vrasje e rëndë”.

Me vendim të prokurorit të rastit, i dyshuari M.B. është ndaluar për 48 orë. Po ashtu, edhe ndaj A.R. është lëshuar vendim për ndalim prej 48 orësh, mirëpo ajo vazhdon të mbetet nën trajtim mjekësor në QKUK.

Trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Sektori i Hetimeve Rajonale, në koordinim dhe autorizim të prokurorit të shtetit, është duke ndërmarrë veprime intensive hetimore për zbardhjen e plotë të rrethanave të këtij rasti”, thuhet mes tjerash në njoftimin e Policisë.