Ferizaj

Grainca: Mos rishikimi i buxhetit krijon ngërç financiar për komunat

Published

6 years ago

09 July, 2018

Mos rishikimi i buxhetit nga Kuvendi i Kosovës, për zëvendësministrin e financave njëherit këshilltarin e kryetarit të Ferizajt, Mustafë Graincën konsiderohet sanksionim i padrejtë për komunat. Grainca vlerëson se mos rishikimi i buxhetit është pengesë e madhe për një vit fiskal të Ferizajt, pasi sipas tij, platforma politike e kryetarit Aliu mbetet e pazbatueshme.

“Në këtë rast kemi një plan të buxhetit i cili është trashëguar nga pushteti i kaluar dhe pamundësia për të ndërhyrë në këtë plan e konsiderojmë se është diçka e jo e mirë për komunën dhe për qytetarët e qytetit tonë. Rishikimi i buxhetit mundëson ndërhyrjen në planin buxhetor për gjashtë muajt fiskal aktual për shkak që kemi mundësi ta pasurojmë dhe ndryshojmë në korrelacion të platformës qeverisëse të kryetarit aktual të komunës. Në mungesë të rishikimit të buxhetit ajo platformë qeverisëse, ato projekte të zotuara të kryetarit Aliu në kuadër të programit zgjedhor nuk mund të inkorporohen në buxhetin vijues të vitit fiskal 2018 dhe çka po ndodhë po kalon një vit fiskal për një kryetar që ka mandat katër vjeçar dhe i cili s’po ka mundësi të realizoj projektet me të cilat ka marrë besimin e qytetarëve”, tha Grainca.

Derisa këshilltari i kryetarit Aliu konsideron se mos rishikimi i buxhetit për komunat është ngërç i një viti fiskal, në anën tjetër në cilësinë e zëvendësministrit të Financave, ai e arsyeton Qeverinë e Kosovës duke theksuar se mos rishkimi i buxhetit po ndodhë për shkak të një stabiliteti financiar të vendit.

“Nuk është definitive se a do të këtë apo jo rishikim, rishikimi i buxhetit ka pas ndodhë edhe në vitin 2017 me shumë vonesë për shkak proceseve politike. Sivjet absolutisht nuk është çështje politike as çështje votash, por thjesht nganjëherë duhet të sakrifikohet edhe në këtë mënyrë për t’u ruajtur një stabilitet financiar i vendit, kërkesat e komunave janë duke u shqyrtuar për rishikim, por ende nuk dihet, gjasat janë më të mëdha që këtë vit mos të ketë fare rishikim”, tha Grainca.

Ndryshe, njohësi i fushës së financave Mustafë Grainca, ka vlerësuar se për një stabilitet të qëndrueshëm financiar të komunave, në Kosovë duhet të ndryshoj edhe orari i mbajtjes së zgjedhjeve. Sipas tij, koha e duhur për zgjedhje lokale është muaji maj, pasi që kryetarët e zgjedhur të atij mandati kanë mundësinë që për katër vite të qeverisjes ta kenë të sigurt planifikimin buxhetor sipas platformave të tyre politike.

Ferizaj

Kërcënohet me jetë Kenan Gashi, drejtor ekzekutiv i “AVONET”

Published

1 day ago

27 April, 2024

Redaksia

Drejtori Ekzekutiv i rrjetit të OJQ-ve, “AVONET”, Kenan Gashi, ka njoftuar se është kërcënuar me jetë nga një palë e përfshirë në një rast që “AVONET” po e trajton në gjykatë.

Përmes një postimi në Facebook, Gashi bëri të ditur se rasti i kërcënimit dhe kanosjes ndaj tij nga ana e personit Faredin Grainca, ndodhi mbrëmjen e së premtes, në ambientet e spitalit rajonal të Ferizajt, por siç u shpreh Gashi, sulmi u parandalua falë zyrtarëve të Policisë që ishin të pranishëm në atë çast në vendngjarje.

Sipas Gashit, kërcënimet e sulmet e tilla janë shqetësuese për faktin se vijnë si rezultat i punës dhe aktivitetit publik të cilin e zhvillon në interes të përgjithshëm andaj edhe kërkon veprime të menjëhershme nga Policia e Kosovës dhe Prokuroria e Shtetit për inicimin e procedurës penale këtij personi.

Zëvendësdrejtori i policisë për rajonin e Ferizajt, major Qazim Reka, ka konfirmuar nisjen e hetimeve për këtë rast, për të cilin tha se është njoftuar edhe prokuroria dhe janë intervistuar të dyja palët.

Ferizaj

Policia në kërkim të dyshuarit të dytë për plagosjen me armë zjarri mbrëmë në Ferizaj

Published

2 days ago

27 April, 2024

Redaksia

Zëvendësdrejtori i policisë për rajonin e Ferizajt, major Qazim Reka, ka konfirmuar se njëri nga të dyshuarit për të shtënat e mbrëmshme me armë zjarri është arrestuar ndërsa një i dyshuar tjetër është në kërkim.

Nga të shtënat me armë zjarri, që ndodhi mbrëmë rreth orës 23:45 më rrugën “ 12 Qershori” mbetën të plagosur dy persona të cilët u dërguan për trajtim në në emergjencën e Ferizajt.

“Dy meshkuj kosovarë kanë pësuar lëndime si pasojë e gjuajtjes me armë zjarri nga persona të panjohur. Të lënduarit janë dërguar për trajtim mjekësor në QKUK. Pas tretmanit mjekësor njëri i lënduar është liruar, ndërsa i lënduari tjetër ka dorëzuar armën me gaz dhe tre fishekë dhe i njëjti është dërguar në qendrën e mbajtjes”, thuhet në raportin e policisë.

Ferizaj

Arrestohet një ish zyrtar i gjendjes civile në Ferizaj

Published

5 days ago

24 April, 2024

Redaksia

Policia e Kosovës, përkatësisht Njësia për Hetimin e Krimeve Ekonomike dhe Korrupsion në Ferizaj, ka arrestuar një ish zyrtar të gjendjes civile në Ferizaj, tani me pozitë tjetër, të dyshuar për veprën penale “Keqpërdorimi i pozitës apo autoritetit zyrtar”.

Në njoftimin e policisë bëhet e ditur se i dyshuari derisa ishte zyrtar i gjendjes civile deri në vitin 2019, si ofiqar, ka keqpërdorur detyrën zyrtare duke regjistruar një shtetas turk në sistemin elektronik të gjendjes civile në komunën e Ferizajt, edhe pse i njëjti nuk i kishte plotësuar kriteret e fitimit të shtetësisë.

Si rrjedhojë e këtyre veprimeve, shtetasi turk ishte pajisur me letërnjoftim dhe me patentë shofer të Republikës së Kosovës.

Sipas policisë, më 23.04.2024, është siguruar prezenca e të dyshuarit për intervistë në prezencë të avokatit mbrojtës kurse me aktvendim të prokurorit, i njëjti është ndaluar për 48 orë.

Ndërkaq personi me shtetësi turke i dyshuar për veprën penale “Legalizimi i përmbajtjes së rreme” është ekstraduar në Turqi.