Ferizaj

Nga 26 korriku deri më 4 gusht mbahet manifestimi ‘’Ditët e Diasporës’’

Published

8 years ago

10 July, 2018

Manifestimi tradicional ‘’Ditët e Diasporës” sivjet në Ferizaj do të mbahet nga 26 korriku deri me 4 gusht. Sipas drejtoreshës së Kulturës, Rinisë dhe Sportit në Ferizaj, Xhemile Murati-Shabani, për këtë manifestim kanë paraparë zhvillimin e aktiviteteve të ndryshme.

“Disa nga aktivitetet që mund t’i ceki konkretisht fillojnë më 26 korrik ku bëhet hapja e ‘’Ditëve të Diasporës’’ dhe përfundojnë më 4 korrik dhe kemi konsideruar se në këtë periudhë vendlindja frekuentohet më shumë nga mërgimtarët, konkretisht hapja do të bëhet me një koncert për fëmijë, pastaj 27,28, dhe 29 korrik do të organizohet “Festa e Miqësisë” e cila organizohet me një bashkëpunim me kompaninë ‘’Conext’’, ndërsa do të kemi një aktivitet nga qendra “Tingujt e Zemrës” në Mirosalë, po ashtu tre ditë do të kemi eksponate nga muzeu i qytetit, po ashtu edhe tek ‘’Bifurkacioni’’, po ashtu do të kemi koloni artistike dhe ekspozitë për mërgimtarë, po ashtu edhe nga ‘’Mural Fest’’, është paraparë edhe një aktivitet letrar, po ashtu është paraparë edhe panairi me produkte ushqimore, tre ditorë, ndërsa panairin me veshje tradicionale do të organizohet tek ‘’Bifurkacioni”, tha Murati.

Murati tha se janë munduar të përgatisin aktivitete nga të cilat do të ndahen të kënaqur bashkatdhetarët.

“Kjo është agjenda që është paraparë për Ditët e Kulturës dhe unë shpresoj se nga kjo agjendë bashkatdhetarët tanë do të mbesin të kënaqur, jemi munduar qe t’u ofrojmë aktivitete sa më cilësore”, tha Murati.

Në agjendën me aktivitete të paraparë nga Drejtoria e Kulturës mungojnë aktivitetet sportive, për të cilat drejtoresha Murati tha se në anketimin e bërë vitin e kaluar mërgimtarët nuk kanë shprehur interesim për sport.

Ferizaj

Humb jetën një punëtor në një objekt në ndërtim në Ferizaj

Published

10 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

4 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.