Ferizaj

Rrahmani: Përmes Nismës Socialdemokrate synojmë ta ndihmojmë komunitetin

Published

8 years ago

18 July, 2018

Deputeti i Partisë së Ashkalinjve për Integrim Etem Arifi dhe ai i Partisë Liberale Egjiptiane Veton Berisha, i janë bashkuar grupit parlamentar të Nismës Socialdemokrate, parti kjo e cila udhëhiqet nga Fatmir Limaj, duke rritur kështu numrin e këtij grupi parlamentar nga 6 në 8 deputetë.

Sekretari i përgjithshëm i PAI-së Qazim Rrahmani, tha se i janë bashkuar grupit parlamentar të Nismës Socialdemokrate për shkak se kjo parti udhëheq me dikastere të rëndësishme siç është Ministria e Arsimit, ajo e Punës dhe Mirëqenies Sociale dhe Ministria e Tregtisë dhe Industrisë, ku sipas tij, duke qenë afër kësaj partie do të mund t’i realizojnë kërkesat dhe nevojat e komuniteteve pakicë.

“Kemi qenë pjesë e koalicionit për votim të kryeministrit Haradinaj, por deputeti jonë ka qenë pa grup parlamentar z.Arifi dhe ne kemi menduar që me hyrjen në një grup parlamentar të një subjekti politik fuqizohemi më shumë edhe në aspektin e proceseve për t’i çuar përpara, por edhe në aspektin për të kontribuar në Kuvendin e Kosovës në aspektin e komisioneve parlamentare. Në këtë rast ne kemi shqyrtuar të gjitha mundësit dhe kemi ra në pajtueshmëri dhe kemi gjet një konsensus edhe partiak që të jemi pjesë e grupit parlamentar të Nismës Socialdemokrate, e cila udhëhiqet nga zëvendëskryeministrit Fatmir Limaj, ne kemi edhe aspektin e procedurave që janë kërkesa të komunitetit të ashkalinjve të cilat ne do t’i drejtojmë drejtpërdrejt në ministritë që udhëhiqen nga Nisma, PAI-tashmë e ka deputetin në grupin parlamentar Nisma Socialdemokrate dhe me këtë ky grup bëhet nga 6 deputet në 8, pasi u ka bashkuar edhe PLE, pra 2 deputet dhe tani duhet të dihet se grupi parlamentar Nisma Socialdemokrate e mban dhe Qeverinë e Kosovës për shkak se numrat brenda në Kuvend dihet siç janë dhe 8 deputetë kanë rëndësi të madhe për ruajtjen e Qeverisë”, tha Rrahmani.

Rrahmani tha se kalimi i dy deputetëve në grupin parlamentar të Nismës Socialdemokrate, nuk është bërë pa shpërblim.

“Ne do të kemi pozita në tri ministri të cilat udhëhiqen nga Nisma, por tani nuk mund t’i bëjmë të qarta pasi nuk është bërë ende draftimi i marrëveshjes”, tha Rrahmani.

Në zgjedhjet e fundit parlamentare Etem Arifi kishte fituar 1 mijë e 210 vota, kurse Veton Berisha kishte fituar mbi 1 mijë 260 vota.

Ferizaj

Një burrë theret me kaçavidë nga dy persona në Ferizaj

Published

4 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

5 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.