Ferizaj

Mbahet seminar teknik në Ferizaj me instruktorin Allen Tanzadeh

Published

7 years ago

23 July, 2018

Instruktori i njohur botëror i sporteve marciale Allen Tanzadeh, qëndroi për dy ditë në Ferizaj ku vizitoi klubin e karatesë ‘’Kastrioti’’ me të cilin përmes një seminari teknik shkëmbyen përvojat në këtë sport. Seminari ishte i hapur për të gjitha stilet dhe shkollat e karatesë me qëllim ngritjen cilësisë teknike tek studentët dhe garuesit e karatesë.

Instruktori Tanzadeh, u shpreh i lumtur për vizitën në Ferizaj, duke theksuar se ndihet i mahnitur me talentin që fëmijët e këtij klubi kanë për këtë sport.

“Së pari dua të falënderoj të gjithë, por në veçanti Raifin i cili më ka ftuar mua, kam udhëtuar për herë të parë këtu dhe jam shumë i lumtur që jam këtu. Për mua është impresive të shoh fëmijët në këtë nivel, kata dhe kumite, veçanërisht në kumite ku ka shumë talentë të cilët janë premtues për të ardhmen, jam shumë i impresionuar me ta. Kosova ka shumë njerëz të mirë dhe shumë miqësor dhe do të doja të vijë prapë, më pëlqen shumë”,tha Tanzadeh.

I kënaqur me përgatitjen e karateistëve të këtij klubi u shpreh edhe asistenti i Tanzadeh, Naci Ozsoy, nga Turqia.

“Jam i kënaqur me nivelin që kam gjetur këtu dhe jam i gatshëm çdoherë që t’iu ndihmoj karateistëve këtu që me shku në range më të larta në nivele evropiane e botërore, por sa pashë unë këtu ka shumë talentë” ,tha Ozsoy.

Kurse, trajneri i klubit “Kastrioti’’ Raif Musa, tha se ky klub pati privilegjin që të vizitohet nga një instruktor siç është Tanzadeh, edhe pse vetëm për dy ditë.

“Ne si klub i karatesë meqenëse zhvillojmë një stil të veçantë në krahasim me klubet e tjera në nivel të Kosovës, lidhjet tona që i kemi shoqërore me nivelin e rangut botëror, kemi arritur të sjellim një instruktor shumë të madh të nivelit botëror siç është Tanzadeh, është në nivelin e shtatë, brezin e zi, shkallën e shtatë ndryshe titullin Kyoshi, po ashtu është Ozsoy është kryetar i Federatës së Turqisë për stilin shitoriu dhe jemi shumë të kënaqur me punën dhe ndihmën që po na bëjnë neve si trajnerë, por edhe studentëve tanë”,tha Musa.

Instruksionet e Allen Tanzadeh, nxënësit kanë pasur mundësi t’i shohin përgjatë dy ditëve në kuadër të seminarit ndërkombëtar të karatesë, i cili është organizuar nga klubi i karatesë “Kastrioti”, ku interesim për instruksionet e tij kanë shfaqur edhe nxënës nga Maqedonia, Mali i Zi, Belgjika dhe Finlanda.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.