Ferizaj

Zvarriten punimet për renovimin e shkollës ”Bilall Shala” në Kosinë

Published

8 years ago

30 August, 2018

Derisa në të gjitha shkollat e komunës së Ferizajt mësimi do të fillojë të hënën, një gjë e tillë ka gjasë të mos ndodhë në shkollën fillore ”Bilall Shala” në fshatin Kosinë, meqë kësaj shkolle i mungon çatia. Prindërit thonë se nga punët e lëna në gjysmë ata që humbasin janë vetë nxënësit.

“Po shihet se shkolla nuk është e përgatitur për me fillu mësimi, renovimi ka filluar më herët dhe është neglizhenca e atyre që e kanë marrë tenderin dhe e atyre që e kanë dhënë tenderin, se kush përfiton nuk e di, por dihet se do të humbin nxënësit, pasi shihet se problem të fillojë mësimi të hënën”, tha Sokol Maloku.

“Kulmi ka nisur të rregullohet që 1 muaj dhe po shihet se ka mbetur kështu dhe është një shëmti në ndërgjegjen e pushtetarëve të Ferizajt se si ka mbetur kështu dhe shëmti më të madhe se ta shohësh shkollën pa çati nuk paska”, tha Rizah Reshani.

“Janë duke e ndërtu kulmin por vetëm fjalë, e kanë lënë në gjysmë, kanë shku kanë marrë firmë të Suharekës se s’ka pas në Ferizaj dhe ja është lënë”, tha Avdyl Jashari.

Kurse, drejtori i kësaj shkolle, Razim Shaqiri, thotë se nga punët e lëna në gjysmë, në shkollë janë krijuar dëme të tjera.

“Tri vitet e fundit ka pasur telashe me kulmin e kësaj shkolle dhe renovimin e brendshëm, ne pastaj kemi bërë kërkesa dhe DKA-ja ka alokuar një buxhet për renovim të kulmit dhe lyerjen e jashtme dhe të brendshme të shkollës, por tani siç duket ka hasur në një problem me kontraktorin pasi që kontraktori i ka lënë punët në gjysmë pothuajse tri javë edhe pse në fakt ka qenë dashtë të kryhet shumë më herët dhe kjo na ka krijuar telashe të tjera, pasi ata kanë kryer një pjesë të punëve dhe nuk e kanë vendosur llamarinën lartë dhe para tri dite kur ka pasur shi në të gjitha klasët ka pikë”, tha Shaqiri.

Megjithatë, drejtori i Arsimit Afrim Llabjani, thotë se shkolla do të jetë e gatshme për të hënën.

“E mira është se ata e kanë përfituar projektin dhe ka filluar operatori me rregullu çatinë dhe aty do të bëhet një çati e mirë dhe nxënësit e mësimdhënësit nuk do të kenë më probleme, ndërsa vonesa që ka ndodhur është për shkak të mosardhjes me kohë të llamarinës të cilën e ka kërkuar operatori dhe këtu është neglizhuar pak puna, por nga java e kalur unë jam angazhuar personalisht dhe kam arritë që pas konsultimeve me operatorin dje vetëm ta sjellin llamarinën, kështu që sot ka filluar të punohet aty dhe ata janë zotuar se shkolla më 3 shtator të jetë e gatshme me fillu procesin mësimor pa probleme”, tha Llabjani.

Shkolla në fshatin Kosinë e cila është paralele e ndarë nga shkolla e fshatit Lloshkobare ka rreth 80 nxënës.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

5 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

6 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar