Ferizaj

Projekt-buxheti i vitit 2019 nuk publikohet para seancës

Published

8 years ago

05 September, 2018

Ka gati një javë që kur ekzekutivi komunal ia ka dorëzuar kryesueses së Kuvendit të Ferizajt draft-buxhetin e vitit 2019, megjithatë këtë dokument të rëndësishëm, përveç pushtetarëve, tjetër kush nuk e pa. Pavarësisht fjalëve për promovimin e transparencës, projekt-buxheti i vitit të ardhshëm ende nuk u publikua as në faqën e komunës. Për këtë shkak ka pasur edhe reagime të shoqërisë civile. Zëdhënësi i komunës Selim Marevci, tha se ekzekutivi tashmë e ka kryer punën e vet sa i përket hartimit të buxhetit dhe se pjesëmarrja e qytetarëve për hartimin e këtij dokumenti tashmë ka përfunduar.

“Kryetari Aliu jo që ka respektuar qarkoren buxhetore, por edhe e ka tejkaluar, sepse ka mbajtur 10 takime me qytetarë, ku katër prej tyre kanë qenë në zonën e qytetit dhe gjashtë nëpër fshatra. Pjesëmarrja e qytetarëve ka qenë masive dhe mjaft produktive. Në bazë të kërkesave të banorëve ai buxhet edhe është hartuar. Ky është vetëm draft dhe përderisa nuk votohet nga votat e asamblistëve nuk mund të quhet legjitim, ta quaj kushtimisht. Pas votimit të këtij buxheti, ky dokument publikohet në faqën e komunës dhe të gjithë mund ta shohin se çfarë projekte janë paraparë për vitin 2019. Unë nuk po them që është e ndaluar që drafti të publikohet, por po them që derisa ai nuk miratohet nuk është legjitim”, tha Marevci.

Në anën tjetër, kryesuesja e Kuvendit Kristina Gashi-Bytyqi, tha se draft-buxheti është në fazën e përgatitjes teknike dhe se asamblistëve do t’iu jepet dhjetë ditë para mbledhjes së Kuvendit.

“Sa i përket këtij projekt-buxheti ky dokument do të jetë publik atëherë kur ne do të jemi gati në përgatitjen e rendit të ditës për seancën e radhës, ku në bazë të afateve ligjore ajo do të mbahet para 31 shtatorit, kështu që unë besoj që tashmë të gjitha diskutimet publike janë shterrur sa i përket këtij projekt-buxheti, qytetarët e kanë thënë fjalën e tyre dhe pikërisht është hartuar nga kërkesat e tyre. Tani çka na mbetet neve si Kuvend është që ta përgatisim me kohë materialin dhe besoj dhjetë ditë para seancës anëtarët e Kuvendit do ta kenë këtë buxhet dhe do të kenë mundësi ta konsultojne atë”, tha Gashi- Bytyqi.

Kryesuesja Gashi-Bytyqi, shtoi se deri më tani askush nuk ka këkuar ta ketë apo ta shoh draft-buxhetin e vitit 2019.

“Deri më tani nuk ka bërë askush kërkesë që ta shoh këtë projekt-buxhet, ndërsa sa i përket reagimit të shoqërisë civile, ne as që kemi diskutuar për këtë çështje dhe besoj që ata kanë qenë pjesë e hartimit të këtij buxheti dhe janë të njoftuar hollësisht se çfarë në fakt përmban në vija të trasha ky dokument”, tha Gashi-Bytyqi.

Sido që të jetë, pavarësisht që komuna këtë propozim-buxhet po e mbanë sekret edhe për disa ditë, në bazë të Ligjit për Financa ky dokument duhet të miratohet para datës 31 shtator. Sipas Zyrës së Kuvendit seanca e radhës do të mbahet më 25 shtator.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.