Ferizaj

Policia me plan operativ për sigurinë e nxënësve

Published

8 years ago

14 September, 2018

Këta pjesëtarë të Policisë së Kosovës, janë vendosur në vendkalimet e këmbësorëve që ndodhen afër shkollave, për t’i siguruar nxënësit që të kalojnë rrugën pa rreziqe.

“Shtatori i sigurt” është plani operativ i Policisë së Kosovës, i cili ka nisur këtë muaj me qëllim rregullimin e trafikut rrugor dhe rritjen e sigurisë së nxënësve nëpër vendkalimet e këmbësorëve të cilët janë afër shkollave.

“Si çdo vit edhe sivjet jemi në vazhdimësi të planit operativ “Shtatori i sigurt”, që nënkupton fillimin e vitit shkollor që të gjithë nxënësve dhe personelit arsimor t’u ofrojmë një siguri më të madhe. Qëllimi është sidomos për fillestarë që për herë të parë shkojnë në shkollë të ndihen të sigurt dhe kemi angazhuar policë që gjatë kohës në ora 8:00 kur fillon edhe mësimi të jenë prezent në afërsi të shkollave që të rregullojnë trafikun dhe t’u ndihmojnë nxënësve gjatë kalimit të rrugës, po ashtu pjesëtarë do të ketë edhe në ndërrimin e pasditës. Mendojmë se ky aksion është shumë i mië sidomos edhe për fillestarët që ta ndjejnë vetën të sigurt, por edhe për personat të cilët pengojnë procesin mësimor të ndërmarrin masa kundër tyre”, tha zëdhënësi i Policisë për Rajonin e Ferizajt, Agim Gashi.

Ky aksion i policisë po pëlqehet edhe nga prindërit.

‘’Ky aksion është shumë i qëlluar pasi këtu po vozitin shumë shpejtë, mua më ka ndodhë dy ditë më parë duke kaluar rrugën më ndihmojë një person tjetër se vetura ishte shumë shpejtë e mezi që e ndali, një rast tjetër vitin e kaluar një veturë e goditi një nxënës duke kaluar në zebra, prandaj unë apeloj edhe tek vozitësit që të kenë kujdes ndërsa edhe policia duhet t’i dënojnë mos t’iu dhimbsen”, tha Avdi Kashatanjeva, prind.

“Ide e mirë por mendoj se do të ishte mirë që policia me qëndru pak më larg shkollës, mos me i frikësu nxënësit, ndërsa prezenca e policisë këtu do të bënte të respektohej vendkalimi më shumë nga shoferët”, tha Sadri Aliu, prind.

Në Policinë e Ferizajt thanë se nuk e dinë se sa është numri i këmbësorëve të vdekur apo të lënduar nga automjetet.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

5 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.