Ferizaj

”Bereqeti” shpërndanë mish kurbani për shoqatat e Ferizajt

Published

8 years ago

18 September, 2018

200 kilogramë mish kurbani u janë shpërndarë shoqatave dhe organizatave të cilat funksionojnë në komunën e Ferizajt, nga shoqata bamirëse “Bereqeti”.

Kryetari i kësaj shoqate Naim Rexhepi, tha se ky mish është dhuruar nga Këshilli i Bashkësisë Islame të Kosovës.

“Shoqata “Bereqeti” ka pranuar para disa ditësh mish kurbani nga Kryesia e Bashkësisë Islame e Republikës së Kosovës dhe ne këto ndihma ditë më parë i kemi shpërndarë nëpërmjet imamëve ku ata gravitojnë si në fshatra ashtu edhe në qytet, po ashtu kemi ndihmu edhe komunën e Shtërpcës dhe tani jemi duke ndihmuar shoqatat e tona që janë në Ferizaj si “Handikos”-in, “Hendifer”-in, Shoqatën e të Verbërve, e shoqata të tjera. Janë rreth 10 pako ku në to janë 20 kilogram mish me të cilat do të ndihmohen disa familje’’, tha Rexhepi.

Kryetari i Organizatës së Pensionistëve të Ferizajt Nebih Mehmeti, tha se me këto ndihma do të ndihmojnë 40 familje nevojtare.

“Ne do të marrim pakot të cilat na takojnë dhe ne do t’ua shpërndajmë 40 personave të cilët janë në gjendje më të rëndë, ata do të jenë që i kanë librezat e organizatës. Në organizatë vetëm se janë duke më pritur familjet dhe do t’ua dhurojmë menjëherë”, tha Mehmeti.

Shoqata bamirëse “Bereqeti”, e cila funksionon në kuadër të Bashkësisë Islame në Ferizaj, javë më parë kishte ndihmur këto shoqata edhe me ndihma të tjera.

Ferizaj

Një burrë theret me kaçavidë nga dy persona në Ferizaj

Published

5 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

6 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.