Ferizaj

Drejtoria e Bujqësisë nuk planifikon buxhet për kompensimin e fermerëve

Published

8 years ago

20 September, 2018

Edhe pse ekzekutivi i Ferizajt ka paraparë ngritjen e buxhetit prej 70 mijë euro për Drejtorinë e Bujqësisë në vitin 2019, ai nuk ka planifikuar mjete buxhetore për kompensimin e fermerëve që janë dëmtuar nga breshëri gjatë këtij viti.

Drejtori i Bujqësisë në Ferizaj Burim Bajrami, tha se një gjë e tillë nuk ka ndodhur, meqë Qeveria është zotuar për kompensimin e fermerëve të dëmtuar.

“Jeni në dijeni se kryeministri ka marrë një vendim për kompensimin e dëmeve dhe ajo na ka pamundësuar neve që të planifikojmë buxhet për vitin e ardhshëm për kompensim të dëmeve, unë po shpresoj se kryeministri do të respektoj vendimin që e ka marrë dhe përmes Ministrisë së Bujqësisë të bëhet kompensimi i dëmeve tek fermerët e komunës sonë, ne i kemi pajisur me të gjitha materialet përcjellëse, me shifrën e dëmeve dhe po besoj që mbetet vetëm respektimi i vendimit të kryeministrit. Ne si nivel lokal nuk kemi edhe mjete, por edhe nuk kemi paraparë mjete për vitin e ardhshëm, unë po besoj se vendimi i kryeministrit është pak më parësor se ai i nivelit lokal, ai ka paraparë edhe krijimin e fondit të emërgjencave për vitin e ardhshëm dhe unë po shpresoj se do të kompensohen edhe dëmet e këtij viti, por edhe do të rritet fondi për emërgjenca në vitin e ardhshëm”, tha Bajrami.

Megjithatë, drejtori Bajrami tregoi se në buxhetin e vitit 2019 që më 25 shtator do të dal për miratim në Kuvend, është planifikuar një shumë prej 80 mijë euro për vendosjen e sisitemit kundër breshërit tek disa fermerë të caktuar.

“Në vitin e ardhshëm kemi planifikuar diku rreth 80 mijë euro për investim në sistem kundër breshërit, kemi pasur edhe takime me akterë të ndryshum në këtë drejtim, nuk jemi të lejuar edhe nga ana KFOR-it për vendosjen e pompave kundër breshërit, por ne do të investojmë në mekanizmin kundër breshërit, sidomos tek pemëtarët ai do të hyjë në punë shumë. Është projekt shumë i mirë, është projekt që nuk ka ndodhur askund brenda Republikës, do të jetë tek fermerët e caktuar, fermerët e mëdhenj të cilët nuk e kanë sistemin kundër breshërit, do të përzgjedhet lista, do të konkurrojnë pemëtarë të caktuar dhe kush i plotëson kushtet do të jetë përfitues, do të jetë me kritere sepse sasia e mjeteve nuk na lejon që të përfshijmë komplet teritorin e komunës sonë”, tha Bajrami.

Sipas raportit të vlerësimit të dëmeve nga Drejtoria e Bujqësisë, nga erërat e forta dhe breshëri, bujqve ferizajas u janë shkaktuar dëme në vlerë rreth 670 mijë euro.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.