Ferizaj

Nisin përgatitjet për shënimin e ”Epopesë së Jezercit”

Published

8 years ago

21 September, 2018

Për ta shënuar 20 vjetorin e “Epopesë së Jezercit”, komuna e Ferizjat ka organziuar një varg aktivitetesh, të cilat do të nisin këtë të hënë. Në një konferencë me gazetarë, Drejtoria e Kulturës dhe përfaqësues të shoqatave të dala nga lufta, publikuan agjendën e ngjarjeve që do ta shënojnë këtë jubile. Drejtoresha e Kulturës, Rinisë dhe Sportit në Ferizaj Xhemile Murati-Shabani, tha se këto aktivitete të cilat do të mbahen nën patronatin e kryetarit të komunës së Ferizajt, kanë rëndësi tepër të madhe për të gjithë qytetarët ferizajas.

“Komuna e Ferizajt në vazhdën e aktiviteteve kulturore një rëndësi tepër të veçantë i ka kushtuar manifestimeve që lidhen me historinë më të re të Ferizajt dhe të Kosovës, kur dihet se lufta e lavdishme e UÇK-së bëri një sakrificë sublime për të ditët e lirisë që po i gëzojmë sot, kur dihet që djemtë e vajzat e reja u angazhuan edhe në komunën e Ferizajt dhe në Zonën e Nerodimës, ku ndër betejat e para që u zhvilluan ishte padyshim Beteja e Jezercit e që më vonë e morri epitetin “Epopeja e lavdishme e Jezercit”, ka thënë drejtoresha Murati-Shabani.

Pavarësisht që shënimi i 20 vjetorit të “Epopesë së Jezercit” do të bëhet krahas zhvillimeve të fundit që po ndodhin në vend,me listat e veteranëve të luftës të cilësuar si të dyshuar, nënkryetari i Organziatës së Veteranëve të UÇK-së në Ferizaj Luan Jahiri, tha se kjo çështje nuk do ta prish aspak atmosferën festive dhe përkujtimore të këtij shënimi.

“Kjo është Epope e lavdishme dhe ne do ta mbajmë atë siç është më së miri dhe besoni që ne nuk brengosemi aspak për listat dhe të gjithë ushtarët që kanë qenë në luftë ta shënojnë këtë javë duke i kujtuar ditët më të vështira dhe më krenare. Kjo punë i takon Prokurorisë dhe nuk ka kurrfarë ndikimi tek ne për ta shënuar këtë javë festive”, tha Jahiri.

Sipas agjendës, aktivitetet për shënimin e kësaj dite do të fillojnë nga e hëna, më 24 shtator, me një ekspozitë homazh me veprat e dëshmorit Gursel Sylejmani, aktivitet i organizuar nga Shoqata e Artistëve Figurativ “Zef Kolombi”. Ndërsa më datën 25 shtator duke filluar nga ora 20:00 do të shfaqet filmi artistik “Heroi”, me skenar dhe regji të Luan Kryeziut. Do të ketë turnir në futboll të vogël, si dhe orë historike në të gjitha shkollat e Ferizajt. Ndërkaq, më datën 28 shtator do të mbahen homazhe tek Varrezat e Dëshmorëve, ekspozitë me relikte nga lufta e UÇK-së, pastaj një koncert për fëmijë, si dhe do të mbahet edhe një akademi solemne në fshatin Jezerc. Më datën 29 shtator është paraparë ecje deri në fshatin Jezerc, organizuar nga Organizata e Veteranëve të Luftës së UÇK-së si dhe Shoqata e Bjeshkatarëve, ku nisja do të bëhet bëhet nga Varrezat e Dëshmorëve të UÇK-së në Ferizaj.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

6 hours ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

1 week ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”