Ferizaj

Rreshteri amerikan konsideron se Kosova ka shënuar progres në fushën e sigurisë

Published

8 years ago

21 September, 2018

Parandalimi i terrorizmit dhe dhuna në familje, ishin ndër temat të cilat u ligjëruan sot në ambientet e komunës së Ferizajt nga Braden Scharag, rreshter i Departamentit të Policisë Metropolitane në Las Vegas i caktuar në Zyrën e Angazhimit të Komunitetit. Scharag i cili në Kosovë ka ardhur me ftesë të Ambasadës Amerikane, tha se gjithpërfshirja e mirëfilltë e akterëve të sigurisë është faktor i rëndësishëm, i cili ndikon në zvogëlimin e problemeve me të cilat përballen forcat e rendit. Rreshteri amerikan, gjatë kësaj ligjërate tha se Kosova ka shënuar progres sa i përket sigurisë, por se ende ka vend për përmirësime.

“Siguria në Kosovë prej asaj që kam arritur me pa e vlerësoj më të mirë se në disa vende në Evropë, qeveria ka bërë një punë të mirë që të ngriten kapacitetet e Policisë së Kosovës për të siguruar qytetarët, por kuptohet në çdo shoqëri ka hapësirë për të bërë përmirësime edhe më shumë, por ajo që është më e rëndësishme është që të punohet në vazhdimësi në rritjen e sigurisë dhe mirëqenies së qytetarëve”, tha Scharag.

Kurse, përfaqësues të ekipit veprues për Siguri në Bashkësi të nivelit lokal, thanë se në vazhdimësi synojnë të mbajnë në nivel sigurinë në Ferizaj.

“Rëndësia e kësaj ligjërate padyshim është shumë e madhe për gjithë komunitetin, sepse temat që po shtjellohen janë dhuna në familje, parandalimi i ekstremizmit të dhunshëm, qentë endacakë dhe sot e kemi rastin të shfrytëzojmë ekspertin amerikan i cili do të na ligjërojë për këto tema, për të cilin edhe jemi falënderues. Ne mundohemi si komunitet të bëjmë një punë të mirë për gjithë komuntetin në parandalimin e këtyre dukurive negative”, tha Ismajl Mehmeti.

Pjesë e kësaj ligjërate ishin përfaqësues të institucioneve të ndryshme duke përfshirë këtu pjestarë të policisë, shoqërisë civile, drejtues të shkollave dhe qytetarë. Përveç tyre, në këtë debat morën pjesë edhe përfaqësues nga Departamenti i Drejtësisë Amerikane.

Ferizaj

Në Ferizaj raportohen katër bankënota të dyshuara nga 500 €

Published

5 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

5 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.