Ferizaj

QKMF-së i dhurohet edhe një autoambulancë

Published

8 years ago

24 September, 2018

Qendra Kryesore e Mjekësisë Familjare në Ferizaj, ka pranuar si donacion një autoambulancë nga bashkëatdhetari Ahmet Haliti, i cili jeton në Gjermani. Ai tha se me qëllim që të ndihmoj vendlindjen është angazhuar për të blerë këtë autoambulancë e cila ka një kosto rreth 10 mijë euro.

“Unë punoj në Berkshtat që 26 vite, i rregulloj autoambulancat dhe e njoh shefin atje dhe e kam pyetur se a mund ta sjellë një në Ferizaj, më tha që po dhe në bazë të mundësive e kam blerë dhe e kam sjellë këtu, pse jo kur ka mundësi me kontribu për vendlindje”, tha Haliti.

Drejtori i Qendrës Kryesore të Mjekësisë Familjare në Ferizaj, Asllan Bajrami, tha se kjo autoambulancë do të jetë ndihmesë e madhe për këtë institucion, meqë shumë shpesh pacientët barten me vetura private.

“Këto profile të autoambulancave moderne janë shumë të nevojshme për pacientin për ta dërguar, apo për të mos i dhënë shansë qytetarit që nga vullneti të bëj një ndihmë ta trasportoj dhe ndoshta në shumë raste siç ka ndodhë ta lëndoj më shumë se që ka ndodhë në aktin e parë”, tha Bajrami.

Rasti i fundit kur një i therur me thikë u bart në Emërgjencë nga Policia pikërisht për shkak të mosshkuarjes së autoambulancës në vend të ngjarjes, ishte të premtën që lamë pas. Për këtë, drejtori Bajrami thotë se nuk është i njoftuar edhe pse thekson se i kanë të gjitha kapacitetet.

“Kjo është e treta autoambulancë donacion kurse e pesta e aftë për të vepruar, kemi vozitës. Është rast të cilin po e kuptoj nga ju dhe do ta marrë informatën e saktë nga përgjegjësi i emërgjencës, unë nuk kam informatë pse s’ka shku autoambulanca, aktualisht funksionojnë dy emërgjencat, nuk është në mungesë të stafit dhe as në mungesë të mjekut, por do të interesohem për këtë”, tha Bajrami.

Kjo qendër e mjekësisë familjare, në maj të këtij viti kishte pranuar dy autoambulanca donacion nga një spital i Zvicrës.

Ferizaj

Në Ferizaj raportohen katër bankënota të dyshuara nga 500 €

Published

5 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

5 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.