Ferizaj

Shënimi i 20 vjetorit të ”Epopesë së Jezercit” nis me ekspozitë homazh

Published

8 years ago

25 September, 2018

Shënimi i 20 vjetorit të “Epopesë së Jezercit”, nisi me ekspozitën homazh të dëshmorit Gursel Sylejmani. Në hapje të ditëve të Epopesë së lavdishme të Jezercit, ishin të pranishëm shumë artistë, struktura politike dhe qytetarë të tjerë. Punimet e realizuara kohë më parë të dëshmorit Gursel Sylejmani, u vlerësuan lartë nga njohësit e kësaj fushe.

“Gurseli sot është i pranishëm pranë nesh me veprat e tij, me shpirtin e tij dhe veprën kulmore që e ka bërë për brezat e ardhshëm. Për mua si krijues është i renditur në rangun e parë, ngase ai ka njohur ngjyrën, ka njohur tonin, harmoninë, drejtpeshimin dhe të gjitha tiparet e një arti kanë qenë prezente në pikturat e Gurselit dhe për atë ai çmohet dhe gjithmonë do të jetë i çmuar si krijues dhe si njeri”, tha profesor Haki Xhakli.

Me pjesëmarrjen e tyre këtë ekspozitë homazh të dëshmorit Gursel Sylejmani, e nderuan edhe kryetari i Vitisë, prej nga vjen dëshmori, si dhe drejtues të pushtetit lokal të Ferizajt.

“Unë ndjej gjithmonë privilegj kur flas për Gurselin si një ndër emrat emblemë të këtij shekulli si trim, artistë dhe dëshmor, por në të njëjtën kohë ndjej edhe përgjegjesi për amanetin dhe idealin e tij”, tha kryetari i Vitisë Sokol Haliti.

“Është ky dëshmori i cili ngjyrat e lirisë i ka vënë në pikturë dhe ngjyrat e gjakut i ka vënë në altarin e lirisë, prandaj Jezerci dhe e gjithë Kosova do ta kujtojnë me krenari”, tha Xhemile Murati-Shabani, drejtoreshë e Kulturës në Ferizaj.

Në emër të familjes, mysafirët i falënderoi vajza e dëshmorit e cila edhe trashëgoi profesionin e babait.

“Jam shumë krenare që familja ime dhe ju kemi një trashëgimi të tillë, kemi një trashëgimi nga pjesa më e bukur e shpirtit të tij nga kjo krijimtari e pikturave. Duke u përkulur pranë veprës së babit Gursel dhe xhaxhit Bajram dhe gjithë dëshmorëve të Kosovës, ju ftoj që ta shijoni edhe një herë këtë krijimtari të piktorit dëshmor”, tha vajza e dëshmorit, Pranvera Sylejmani.

Me muzikë klasike u mbyll edhe nata e parë e kësaj ekspozite e cila do të qëndroj e hapur për disa ditë rresht në shënim të 20 vjetorit të Epopesë së lavdishme të Jezercit.

Ferizaj

Në Ferizaj raportohen katër bankënota të dyshuara nga 500 €

Published

5 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

5 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.