Ferizaj

Në tribunën artistike-shkencore diskutohet për ”Artin dhe Luftën”

Published

8 years ago

27 September, 2018

“Arti dhe Lufta”, ishte tema e cila u diskutua në një tribunë artistike-shkencore, të organizuar nga klubi letrar “De Rada”. Kryetari i këtij klubi Gazmend Bytyqi, tha se kjo tribunë synon të vë në pah se çka është krijuar në aspektin artistik për luftën e fundit dhe çka mund të bëhet më shumë për të pasqyruar këtë ngjarje.

Historiani Nexhat Shahini, tha se deri më sot nuk janë bërë studime shkencore sa i përket momenteve të luftës, prandaj kjo tribunë është një nismë që në të ardhmen të realizohen punime shkencore të cilat argumentojnë luftën e fundit në Kosovë.

Kurse, regjisorët ferizajas Fatmir Hyseni dhe Besim Ugzmajli, thanë se shpeshherë përmes filmave janë munduar të prekin tema të cilat kanë të bëjnë me luftën, mirëpo për shkak të kostos së lartë që përfshijnë ato, nuk kanë mundur të realizojnë projekte në nivelin e duhur.

Edhe kjo tribunë artistike-shkencore u organizua me rastin e 20 vjetorit të Epopesë së Jezercit.

Ferizaj

Arrestohen dy persona në Ferizaj për sulm dhe therje me thikë

Published

1 day ago

24 June, 2026

Redaksia

Dy persona janë arrestuar nga policia në Ferizaj nën dyshimin se kanë sulmuar me thikë një burrë.

Sipas raportit 24 orësh të policisë, viktima ka pësuar lëndime dhe është dërguar për tretman mjekësor në QKUK në Prishtinë. Raportohet se ngjarja ka ndodhur në mesditën e së martës.

Të arrestuarit janë dërguar në mbajrje derisa rasti po hetohet si lëndim i lehtë trupor.

Ferizaj 23.06.2026 – 12:15.

“Janë arrestuar dy të dyshuar meshkuj kosovarë nën dyshimin se kanë sulmuar me thikë viktimën mashkull kosovar. Viktima ka pësuar lëndime dhe është dërguar për tretman mjekësor në QKUK. Me vendim të Prokurorit, të dyshuarit pas intervistimit janë dërguar në mbajtje”, thuhet në raport.

Ferizaj

Ferizajasi dorëzon në polici portofolin e gjetur me dokumente dhe 160 €

Published

6 days ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

7 days ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.