Ferizaj

Fillon vaksinimi kundër gripit sezonal në Ferizaj

Published

8 years ago

05 October, 2018

Në të gjitha qendrat mjekësore në komunën e Ferizajt, ka filluar vaksinimi kundër gripit sezonal. Deri më tani këtë vaksinë në Ferizaj e kanë marrë mbi 1200 persona.

Shpresa Mustafa, përgjegjëse e shërbimit të vaksinimit, tha se vaksina kundër gripit sezonal është e dedikuar për personat mbi 65 vjeç, por nuk përjashtohen edhe personat nën këtë moshë të cilët vujanë nga ndonjë sëmundje kronike.

“Vaksina e gripit sezonal si çdo vjet edhe këtë vit ka filluar më 1 tetor, jemi furnizuar nga IKSHPK-ja, këto vaksina janë të dedikuara për të moshuarit, por munden me marrë edhe personat nën moshën 65 vjeçare që kanë ndonjë sëmundje kronike, përndryshe është e dedikuar për të moshuarit, pasi ata sigurisht vuajnë nga ndonjë sëmundje, kështu që vaksina e gripit sado kudo nuk lejon që edhe gripi me qenë një rëndesë tjetër për ta”, tha Mustafa.

Mustafa u bëri thirrje grupeve më të rrezikuara që t’i shfrytëzojnë vaksinat për mbrojtje kundër gripit sezonal.

“Vaksina kemi në doza të mjaftueshme, tash për tash kemi marrë 5400 doza, ndërsa për Ferizaj janë të dedikuara diku 6000 doza, vaksinat kur i kemi marrë i kemi shpërndarë në të gjitha punktet dhe AMF-të, në Qendrën Kryesore numër 1, në Qendrën Rajonale, në 4-sh, siç i themi ne, edhe nëpër fshatra ku kryhet vaksinimi, siç është Gremja, Gaçka, Softaj, Dardania, në mënyrë që pacientët të jenë shumë më afër shërbimit të vaksinimit. Unë apeloj te të gjithë ata që janë të interesuar, sidomos të moshuarit me u vaksinu me vaksinën e gripit sezonal le të afrohen më afër punktit të vetë dhe jo të gjithë në qendrën kryesore, pasi shpërndarja është bërë në të gjitha qendrat dhe AMF-të”, tha Mustafa.

Qytetarët të cilit po prisnin në radhë për të marrë vaksinën kundër gripit, thanë se kjo vaksinë ka mjaftë efekt pozitiv tek ta.

“Jam 72 vjeçar, unë për vete e marrë vaksinën për çdo vit, më ka ndihmu shumë, prandaj apeloj tek të gjithë moshatarët e mi që ta marrin vaksinën kundër gripit”, tha Ekrem Shabani.

“70 vjeçar jam, në çdo vjeshtë i marrim vaksinat, na ndihmon mjaftë shumë, na imunizon kundër gripit”, tha Nuhi Kupina.

“Unë jam 62 vjeçar është i viti dytë që e marrë, vjet më ka ndihmuar mjaftë shumë, kisha preferu me e marrë të gjithë”, tha Sahit Thaqi.

Vaksinimi kundër gripit sezonal i cili ka nisur në fillim të këtij muaji do të zgjasë deri në gjysmën e muajit nëntor dhe është pa pagesë.

Ferizaj

Në Ferizaj raportohen katër bankënota të dyshuara nga 500 €

Published

6 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

6 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.