Ferizaj

Promovohet libri ”Udhëkryqet kosovare” nga Nebi Jashari

Published

8 years ago

06 October, 2018

“Udhëkryqet kosovare”, është libri i radhës i autorit 70 vjeçar nga fshati Doganaj i Ferizajt, Nebi Jashari. Në këtë vepër janë përfshirë disa shkrime të autorit të botuara nëpër gazeta, revista dhe portale të ndryshme që kanë të bëjnë kryesisht me politikë dhe ekonomi.

Recensentët e librit të Jasharit, Skender Ramadani dhe Halil Halili, thanë se autori në këtë libër shtjellon tema të ndryshme, si ndikimin e privatizimit të ndërmarrjeve publike që janë bërë në vend, energjinë e ripërtëritshme, korrupsionin, procesin e sigurimeve shëndetësore, e të tjera. Mirëpo, ata theksuan se autori theksin kryesor në këtë libër e ka vënë tek bashkëpunimi që duhet të jetë në mes të institucioneve qeveritare dhe bizneseve.

“Autori është përkrahës i ekonomisë së tregut, tregut të lirë të hapur, duke u shprehur se nëse duam standard më të lartë të jetës tregu i lirë është e vetmja alternativë, por gjithnjë duke pasur parasysh edhe rolin e qeverisë e cila duhet të jetë e gatshme të marrë pozicionin e mekanikut i cili kujdeset për lokomotivën, që në këtë rast autori lokomotivën e merr si metaforë të biznesit, lokomotiva është biznes, kurse qeveria është mekanik i cili duhet të kujdeset për zëvëndësimin e pjesëve të lokomotivës që ajo të arrijë në cakun e destinuar”, tha recensenti Skender Ramadani.

“Libri “Udhëkryqet kosovare” përmban një sërë analizash politiko-ekonomike, qasje realiste, origjinale dhe pragmatike për temat që trajtohen, që në brendësinë e tyre japin porosi të qartë nga të cilat si të tilla asnjëherë nuk e kanë humbur aktualitetin, veçanërisht gjatë trajtimit të temave ekonomike vërehet një qasje profesionale që fillon me identifikimin e problemeve, shtjellimin e çështjes dhe dhënien e rekomandimeve për zgjidhje të mundshme”, tha Halil Halili, recensent.

Libri “Udhëkryqet kosovare” i autorit Nebi Jashari, u vlerësua lartë edhe nga politologu Ramush Tahiri.

“Ajo që më bën përshtypje në këtë libër janë tematikat që janë të thukta, nuk kanë përsëritje, janë të qarta në mendimin se çka po dëshiron të thuash dhe kah po dëshiron me u orientu dhe nuk mund të thuash në asnjë segment që ka mungesë të argumenteve, përkundrazi gërshetimi i tij flet për një përvojë, një mjeshtri dhe fundi i fundit flet për një qëndrim shumë njerëzor dhe humanist, angazhues në shërbim të popullit dhe vendit”, tha Tahiri.

Kurse, autori i librit Nebi Jashari, tha se përvojën personale në politikë, ekonomi dhe arsim është munduar ta sjellë në këtë libër.

“Derisa po mendoja se çka të flas me këtë rast mu kujtua një pyetje e një shokut se përse po shkruan dhe këto shkrime po i bëj pasi të gjitha çka i kam mësuar në jetë janë prej popullit dhe vetëm me shkrim mund t’ia kthej ato që i kam marrë nga populli. Kosova ka nevojë për më shumë zëra kritik të intelektualëve, e luftë kundër antivlerave”, tha Jashari.

Libri “Udhëkryqet kosovare”, u vlerësua dhe u komentua pozitivisht edhe nga dashamirët e librit, të cilit ishin pjesëmarrës në këtë promovim.

Muaj më parë Jashari kishte botuar librin ”Tregime ndryshe”.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar