Ferizaj

Gjykata e Ferizajt zvarrit gjykimin e profilit të lartë

Published

8 years ago

08 October, 2018

As 8 muaj pritjeje nuk i mjaftuan Gjykatës dhe Prokurorisë së Ferizajt që të koordinojnë oraret e veta, për të zhvilluar seancë të rregullt në rastin kundër ish-drejtorit të Urbanizmit Faik Grainca, i cili me dy persona të tjerë akuzohen për keqpërdorim të detyrës zyrtare dhe falsifikim të dokumentit zyrtar, në lidhje me miratimin Planit Zhvillimor Komunal të Ferizajt.

Edhe pse data e seancës u caktua para një muaji, mungesa e prokurorit të rastit Arben Ismaili, bëri që sot gjyqtari Sahit Krasniqi të vendos shtyrjen e këtij gjykimi për në fillim të nëntorit. E, në ndërkohë përfituesit nga vepra e dyshuar penale vazhdojnë punët e tyre të papenguar nga shteti apo organet e drejtësisë.

Përkundër që nuk pati seancë të rregullt, megjithatë gjyqtari Krasniqi dëgjoi palën e dëmtuar, e cila kërkoi që Gjykata të rivendos masën e sigurisë në rrugën ”Astrit Bytyqi”, pjesë kjo e cila sipas planit rregullativ në fuqi gjendet në zonën e ndërtimit të ulët.

“Nëse ka mundësi me u vendos një masë e sigurisë veçanërisht në rrugën “Astrit Bytyqi”, për të cilën edhe është duke u mbajtur seanca, aty tashmë është duke duke u zbatu me të madhe kjo PZHK, gjykata ka vendosur një herë të bëj një masë të sigurisë mandej e ka shpallë vetën jokompetente, mendoj se kjo është joserioze dhe kjo neve na jep me dyshu se ky proces është duke u zvarritur se punimet janë duke u bërë me të madhe”, tha Bekim Haliti, banor i rrugës ”Astrit Byqyqi”.

“Ne nuk jemi kompetent për masa të sigurisë, është kontest civil, ajo çështje është punë e organeve administrative, se çka veprojnë ata është punë e tyre, ky trup gjykues është i lidhur me aktakuzën nuk mundemi ne me u lëshu në kompetenca të organeve të tjera, ne jemi për çështje penale të kësaj aktakuze se a përmbushen elementet e veprave penale për të cilën janë të ngarkuar të akuzuarit edhe provat me i administru, i kemi provat që janë propozu nga prokurori dhe mbi 20 dëshmitarë dhe pavarësisht nga rezultati i provave ne e marrim vendimin final, ndërsa gjërat tjera për me u kufizu diçka punimet në atë rrugë në ato gjëra nuk kemi drejt me u lëshu”, tha gjykatësi Sahit Krasniqi.

Bashkë me Graincën, akuzohen edhe dy qytetarë të tjerë se kanë kryer veprën e falsifikimit të dokumentit zyrtar gjatë mbledhjes së nënshkrimeve në lidhje me Planin Zhvillimor Komunal, përkatësisht ndryshimeve në zonën 8 të qytetit.

Sipas aktakuzës së Prokurorisë Themelore në Ferizaj, Grainca akuzohet se ka miratuar një peticion si legjitim, duke qenë në dijeni se dokumenti përmbante nënshkrime të falsifikuara apo të personave që nuk janë pronarë të shtëpive apo të patundshmërive përgjatë rrugës “Astrit Bytyqi”. Ky dokument ka shërbyer si bazë për miratim të ndryshimeve në Planit Zhvillimor Komunal të Ferizajt në atë zonë, që u miratua vitin e kaluar në Kuvendin Komunal.

Në kallëzimin penal të hetuesisë së Ferizajt, krahas të akuzuarve kryesor implikoheshin edhe 13 anëtarë të komisionit komunal për bashkëpjesëmarrje në krim, mirëpo gjatë janarit të sivjetëm, Prokuroria e Ferizajt me ngritje të aktakuzës e “zbuti” rastin dhe anëtarët e komisionit komunal për ankesa i shndërroi në dëshmitarë. Gjykimi i rastit Grainca vazhdon më 5 nëntor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar