Ferizaj

Ajeti: Rriten të hyrat nga tatimi në pronë

Published

8 years ago

09 October, 2018

Që nga lansimi i fushatës informuese që komuna e Ferizajt do ta ulë në 10 për qind tatimin në pronë, interesimi i qytetarëve për ta kryer këtë obligim është shumë më i shprehur. Kështu tha drejtoresha e Financave Sebahate Ajeti, derisa njoftoi se për këtë qëllim Kuvendi Komunal i Ferizajt tashmë e ka të miratuar edhe rregulloren e re, e cila në seancën e radhës pritet t’i ketë edhe disa ndryshime të vogla.

“Do të thotë këto dy veprime të institucionit tonë kanë rezultuar që qytetarët të interesohen më shumë për të ardhë me i kry pagesat që kanë ndaj arkës komunale, po ashtu edhe të interesohen për parcelat që kanë, për marrëveshjet kontraktuale që ofron shërbimi i tatimit në pronë për pagesa me këste dhe në këtë mënyrë t’iu ikin kamatave ndëshkimore që parashihen me ligje”, tha Ajeti-Sadiku.

E, derisa drejtoresha e Financave tregoi se që nga ky muaj komuna ka të drejtë që përmes përmbaruesve t’i vjelë këto të hyra kryesore të arkës komunale, ajo tha se deri më tani s’kanë pasur ndonjë rast, por që vërejtjet e fundit u kanë shkuar shumë kompanive dhe personave fizik.

“Ne vetëm se i kemi seleksionuar tatimpaguesit apo borxhlinjtë më të mëdhenj të cilëve u kemi dërguar njoftimin në mënyrë që ata të interesohen vet për ta kryer këtë obligim në mënyrë që mos t’u shkohet menjëherë me përmbarues. Realisht borxhlinjtë më të mëdhenj janë ato ndërmarrje shoqërore të cilat kanë qenë nën menaxhim të AKP-së, ne po ashtu kemi kontaktuar edhe me këtë institucion, por që ka edhe kompani private edhe persona fizik, mund të them lirisht që borxhlinjtë janë miks kategori të tatimit në pronë”, tha Sebahate Ajeti- Sadiku.

Sipas drejtoreshës së Financave, të hyrat nga tatimi në pronë në komunën e Ferizajt në nëntë mujorin e këtij viti, kanë shënuar rritje të theksuar me ato të vitit paraprak të kësaj periudhe.

Ferizaj

Në Ferizaj raportohen katër bankënota të dyshuara nga 500 €

Published

4 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

4 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.