Ferizaj

Fillon edicioni i dytë i garave të gjuhës angleze

Published

8 years ago

13 October, 2018

Shoqata e mësimdhënësve të gjuhës angleze, ka filluar edicionin e dytë të garave në lëndën e gjuhës angleze. Ky aktivitet i cili ka për qëllim identifikimin e talentëve dhe rritjen e interesimit të të rinjve për gjuhën angleze, sivjet ka 257 konkurrent nga 38 shkollat e Ferizajt.

Kryetarja e shoqatës së mësimdhënësve të gjuhës angleze Ardita Çerkini, tha se e veçanta e këtij edicioni është se sivjet pjesë e garës janë edhe nxënësit me nevoja të veçanta.

“Ka filluar edicioni i dytë i garave të gjuhës angleze në komunën tonë, janë gjithsej 257 pjesëmarrës prej 38 shkollave të Ferizaj, karakteristikë e kësaj dhe ndryshim nga edicioni i kaluar është se janë përfshirë edhe personat me nevoja të veçanta, kjo garë do të zgjat 10 javë, 5 javë përfshijnë muajin tetor dhe nëntor, ndërsa 5 të tjera do të realizohen në mars-prill. Gara është me sistem eliminues, mbledhen pikë të atyre që bëjnë më së shumti, ndërsa eliminohen ata që bëjnë pikë më pak, janë të përfshira klasët e 7-ta, 8-ta dhe 9-ta, gara nuk është në bazë planit lëndor sikurse në shkollë, por shprehen njohuritë e përgjithshme të gjuhës angleze, ne tashmë e kemi përvojën nga viti i kaluar dhe besoj se do të shkoj mirë”, tha ajo.

Këtë garë po e mbështet edhe Drejtoria e Arsimit në Ferizaj.

“Ne edhe në edicionin e parë jemë treguar bashkëpunues me shoqatën e gjuhës angleze, sepse kemi parë se është një garë interesante dhe unike dhe kështu që ne e kemi parë rëndësinë e saj dhe nivelin edukativ që ka dhe kështu kemi qenë mbështetës të saj dhe do të jemi jo vetëm këtë vit, por çdo vit dhe jo vetëm për këtë shoqatë, por të gjitha shoqatat të cilat janë të interesuara për të organizuar gara të këtij niveli ne do të jemi mbështetës dhe përkrahës”, tha Afrim Llabjani, drejtor i Arsimit në Ferizaj.

Tringa Begu, fituese e edicionit të kaluar, tha se pjesëmarrja në këtë garë ka qenë eksperiencë mjaftë e mirë.

”Ka qenë një eksperiencë e jashtëzakonshme, për 10 javë jemi ballafaquar mbi 200 nxënës dhe ka qenë garë që ka ngërthy emocione deri në momentet e fundit, unë e kam fituar çmimin e parë që ka qenë 300 euro, mirëpo 50 euro ia kam dhuruar vendit të tretë dhe 50 të katërtit. Nxënësve të këtij edicioni ju uroj suksese dhe uroj të fitoj më i miri”, tha Begu.

Kjo garë e cila monitorohet nga 8 mësimdhënës finalen do ta ketë më 20 prill të vitit të ardhshëm, me 5 finalistët me të mirë, ku vendi i parë do të shpërblehet me 300 euro, vendi i dytë me 150 euro dhe vendi i tretë me 50 euro.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar