Ferizaj

”Caritas Kosova” me projekte kundër trafikimit me qenie njerëzore

Published

8 years ago

18 October, 2018

Në Ditën e Bashkimit Evropian Kundër Trafikimit me Qenie Njerëzore, drejtori i organizatës Caritas Kosova, e cila me projekte të ndryshme angazhohet kundër kësaj dukurie, tha se trafikimi me qenie njerëzore është shqetësues për Kosovën marrë parasysh rritjen e kësaj dukurie në vend.

“Në projektin për mbrojtjen e dinjitetit njerëzor antitrafikimi i personave, ne bashkëpunojmë me strukturat përgjegjëse siç është njësia policore apo shkollat, por mbështetje për të realizuar një projekt nuk kemi, përpos bashkëpunimit që bëjmë. Sa i përket efikasitetit të organeve të rendit, unë mendoj se në rajon jemi shoqëria më pozitive në ecjen e realizmit të ligjeve apo kritereve që bashkësia ndërkombëtare i ka vendosur si kriter, pasi nuk është aspak më mirë edhe në shtetet e rajonit, por prapë ka shumë mangësi, por edhe shumëçka varet nga faktori ndërkombëtar që jemi të varur, por mjafton që ne të kemi një dëshirë të mirë dhe të përdorim kapacitetet tona, siç është rinia jonë që me i mbështet”, tha Viktor Sopi.

Sopi, tregoi për projektet që janë duke realizuar me qëllim të sensibilizimit të shoqërisë për këtë dukuri negative.

“Caritas Kosova mundohet të jap kontributin e vet në parandalimin e kësaj dukurie, kështu që ne e kemi përkthyer një film “Edhe drunjtë flasin” bashkë me Televizionin Tema, film ky ku flet për një dukuri negative e cila rrezikon ecjen e njeriut e sidomos të rinjve nga trafikimi, këto ditë presim të realizojmë edhe filimin me metrazhë të shkurtër, gjeneza e projektit është që të sensibilizohen strukturat, përgjegjësit adekuat, qofshin edhe njësia policore, arsimi, ligjëruesit, arsimtarët që ky fenomen i cili rrezikon njeriun, të riun, të jetë në një mënyrë i parandaluar që mos të merr përmasa të mëdha kjo dukuri në shoqërinë tonë”, tha Sopi.

Sopi, tha se rol kryesor në parandalimin e kësaj dukurie shqetësuese duhet të luaj shteti.

Ferizaj

Siguria juaj fillon me zgjedhjen e duhur të sigurimit

Published

6 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

6 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.