Ferizaj

Dëmtohen dyert e shkollës ekonomike ”Faik Konica” në Ferizaj

Published

8 years ago

18 October, 2018

Persona të panjohur kanë dëmtuar disa nga dyert e shkollës së mesme ekonomike ”Faik Konica” në Ferizaj. Nga huliganët më së shumti u dëmtua dera e zyrës së koordinatorit të cilësisë dhe ajo e bufesë. Përveç dëmtimit të dyereve, drejtues të shkollës thanë se në shkollë nuk mungon asgjë.

“Është bërë një dëmtim në shkollë, diku rreth orës 23:00 është thyer byfeja e shkollës dhe zyra e koordinatorit të cilësisë, dy dyer të këtyre vendeve janë thyer, dëmtuesit kanë hyrë nga dritarja afër bufesë, asnjë dëm tjetër nuk është bërë pos thyerjes së dyerve, dritarja nuk dihet nëse ka qenë e hapur, por e dëmtuar nuk është, dritaret të shtyhen lehtë pasi nuk janë cilësore, ne e kemi njoftuar policinë dhe tani ata janë duke hetuar, ndërsa ne tashmë i kemi sanuar dëmet”, tha drejtori i shkollës ekonomike, Idriz Ademi.

“Ende pa ardhë më ka thirrë një punëtor teknik dhe më tha që më është thyer bufeja, kur erdha kish qenë dera e thyer, por nuk kanë marrë asgjë, dritarja ka qenë e hapur nuk ka pasur ndonjë shenjë tjetër, kanë mendu që kam para apo cigare këtu, kështu po besoj”, tha Visar Sfarqa, pronar i bufesë.

Në Drejtorinë e Arsimit në Ferizaj, u shprehën të shqetësuar për këtë dëmtim të shkollës, duke kërkuar që raste të tilla të mos përsëriten.

“Ne jemi të shqetësuar për këto incidente, thyerje që po ndodhin, sepse çdo shkollë e cila dëmtohet është dëmtim së pari për fëmijët, por edhe shoqërinë, kështu që duhet të bëhet apel ndaj atyre njerëzve të papërgjegjshëm që së paku shkollat të kursehen nga kjo pasi edhe ashtu nuk kemi inventar e kompjuterë të mjaftueshëm, por edhe ato që janë të merren nga shkollat është e pakuptimtë”, u shpreh drejtori Afrim Llabjani.

Rastet e dëmtimit të shkollave janë të njohura për opinionin ferizajas, edhe pse në shumicën prej tyre janë të vendosura kamerat e sigurisë.

Ferizaj

Siguria juaj fillon me zgjedhjen e duhur të sigurimit

Published

22 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

22 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.